Markmið: Að tryggja að yfirfærsla þjónustu við umsækjendur um vernd, sbr. forsetaúrskurð nr. 6/2022, gangi eftir.

Helstu breytingar og nýjungar: Frumvarpið er liður í að bregðast við forsetaúrskurði um skiptingu stjórnarmálefna milli ráðuneyta þannig að félags- og vinnumarkaðsráðuneytinu verði tryggðar fullnægjandi lagaheimildir til að sinna þjónustu við umsækjendur um vernd, þ.á.m. heimild til vinnslu persónuupplýsinga um umsækjendur um alþjóðlega vernd. Auk þess er lagt til að skýra verkaskiptingu milli annars vegar málavinnslu og hins vegar þjónustu við umsækjendur um alþjóðlega vernd.

Breytingar á lögum og tengd mál: Lög um útlendinga, nr. 80/2016.

Kostnaður og tekjur: Ekki er gert ráð fyrir útgjaldabreytingum fyrir ríkissjóð sem nokkru nemur. 

Aðrar upplýsingar: Forsetaúrskurður um skiptingu stjórnarmálefna milli ráðuneyta í Stjórnarráði Íslands, nr. 6/2022.

Afgreiðsla: Samþykkt óbreytt.

Efnisflokkar: Lög og réttur: Löggæsla og eftirlit  |  Lög og réttur: Persónuleg réttindi  |  Stjórnarskipan og stjórnsýsla: Stjórnkerfi og stjórnarskipunarmál