Markmið: Að viðhalda og efla starfsemi samskiptaráðgjafa íþrótta- og æskulýðsmála.

Helstu breytingar og nýjungar: Lagðar eru til breytingar á lagalegu hlutverki samskiptaráðgjafa íþrótta- og æskulýðsmála til samræmis við það hvernig starfið hefur þróast frá því að hann tók til starfa árið 2020. Þá er lagt til að kveðið verði á um heimild samskiptaráðgjafa til vinnslu persónuupplýsinga og heimild til að miðla upplýsingum til þriðja aðila og að þagnarskylda samskiptaráðgjafa gangi framar upplýsingarétti samkvæmt upplýsingalögum.

Breytingar á lögum og tengd mál: Lög um samskiptaráðgjafa íþrótta- og æskulýðsstarfs, nr. 45/2019.

Kostnaður og tekjur: Ekki er gert ráð fyrir áhrifum á ríkissjóð.

Afgreiðsla: Frumvarpið var ekki afgreitt úr nefnd.

Efnisflokkar: Samfélagsmál: Atvinnumál  |  Mennta- og menningarmál: Íþróttir og æskulýðsmál  |  Lög og réttur: Persónuleg réttindi