Markmið: Að stuðla að aukinni nýsköpun með jákvæðum áhrifum á almannahagsmuni, aukinni hagsæld og samkeppnishæfni til framtíðar.

Helstu breytingar og nýjungar: Lagt er til að framlengja bráðabirgðaákvæði, sem höfðu áhrif á skattfrádrátt nýsköpunarfyrirtækja árin 2020 og 2021, svo þau hafi áhrif á starfsemi þeirra á árinu 2022. Jafnframt er lagt til að lækka bæði frádráttarhlutfall og hámark kostnaðar til útreiknings á frádrætti.

Breytingar á lögum og tengd mál: Lög um stuðning við nýsköpunarfyrirtæki, nr. 152/2009.

Kostnaður og tekjur: Frumvarpið mun hafa neikvæð áhrif á afkomu ríkissjóðs til skemmri tíma litið verði það óbreytt að lögum. Gert er ráð fyrir útgjaldaaukningu upp á 2,4 milljarða kr. árið 2023. Heildaráhrifin á fjármál ríkissjóðs ættu þó með tímanum að verða jákvæð.

Afgreiðsla: Samþykkt með þeirri breytingu að fallið var frá því að lækka frádráttarhlutfall skv. 1. gr.

Efnisflokkar: Hagstjórn: Fjárreiður ríkisins  |  Mennta- og menningarmál: Menntamál  |  Hagstjórn: Skattar og tollar  |  Atvinnuvegir: Viðskipti