Markmið: Að gefa lífeyrissjóðum fleiri möguleika til fjárfestinga þannig að þeir geti tekið ákvarðanir sem gera þá betur í stakk búna til að standa undir lífeyrisskuldbindingum. 

Helstu breytingar og nýjungar: Lagðar eru til fjórar breytingar er varða heimila skiptingu fjárfestinga lífeyrissjóða milli eigna í krónum og erlendum gjaldmiðlum. Þá er lagt til að heimilt verði að birta yfirlit og upplýsingar til sjóðfélaga rafrænt í stað pappírssendinga.

Breytingar á lögum og tengd mál: Lög um skyldutryggingu lífeyrisréttinda og starfsemi lífeyrissjóða, nr. 129/1997.

Kostnaður og tekjur: Ekki eru fyrirséð bein áhrif á ríkissjóð af samþykkt frumvarpsins til skemmri tíma.

Aðrar upplýsingar: Skýrsla starfshóps um hlutverk lífeyrissjóða í uppbyggingu atvinnulífs. Forsætisráðuneytið, 19. janúar 2018.

Afgreiðsla: Frumvarpið var ekki afgreitt úr nefnd.

Efnisflokkar: Hagstjórn: Efnahagsmál  |  Samfélagsmál: Félagsmál  |  Atvinnuvegir: Tölvu- og upplýsingamál