Markmið: Að lagfæra lagaákvæði, bæta við reglugerðarheimild og innleiða Evrópugerð.

Helstu breytingar og nýjungar: Orðaröðun í 1. mgr. 6. gr. b laganna verður lagfærð svo inntak ákvæðisins verði rétt. Bætt verður við heimild ráðherra til að setja reglugerð um jöfnunarskyldu flugrekenda samkvæmt kerfi Alþjóðaflugmálastofnunarinnar. Innleidd verður ákvörðun Evrópusambandsins sem varðar breytingu á áður innleiddri gerð.

Breytingar á lögum og tengd mál: Lög um loftslagsmál, nr. 70/2012.

Kostnaður og tekjur: Ekki er gert ráð fyrir áhrifum á ríkissjóð.

Aðrar upplýsingar: Framseld ákvörðun framkvæmdastjórnarinnar (ESB) 2021/1416 frá 17. júní 2021 um breytingu á tilskipun Evrópuþingsins og ráðsins 2003/87/EB að því er varðar að útiloka flug sem kemur frá Bretlandi frá viðskiptakerfi Evrópusambandsins með losunarheimildir. 

Afgreiðsla: Frumvarpið var samþykkt nær óbreytt.

Efnisflokkar: Erlend samskipti: Alþjóðasamningar og utanríkismál  |  Atvinnuvegir: Landbúnaður  |  Umhverfismál: Mengun  |  Umhverfismál: Orkumál og auðlindir  |  Samgöngumál: Samgöngur  |  Umhverfismál: Umhverfisstjórn og náttúruvernd