Markmið: Að stuðla að því að íslenskir aðilar hefji á ný veiðar á bláuggatúnfiski.

Helstu breytingar og nýjungar: Íslenskum aðilum verður tímabundið heimilt að taka á leigu sérhæfð erlend skip til veiða á bláuggatúnfiski til að viðhalda veiðireynslu Íslands, kanna hagkvæmni veiðanna og byggja upp innlenda sérþekkingu á slíkum veiðum.

Breytingar á lögum og tengd mál: Lög um stjórn fiskveiða, nr. 116/2006.

Kostnaður og tekjur: Ekki er gert ráð fyrir auknum útgjöldum hins opinbera. Ef verður af veiðum á bláuggatúnfiski gæti það skilað tekjum í ríkissjóð í formi skatta, og leyfis- og þjónustugjalda síðar.

Aðrar upplýsingar:

Afgreiðsla: Samþykkt með minni háttar breytingum.

Efnisflokkar: Erlend samskipti: Alþjóðasamningar og utanríkismál  |  Atvinnuvegir: Sjávarútvegur