385. mál: Lýsing verðbréfa o.fl.

Samantekt

Markmið: Að gefa lánastofnunum svigrúm til að styðja við fyrirtæki sem þurfa á endurfjármögnun að halda vegna efnahagsáhrifa heimsfaraldurs kórónuveiru.

Helstu breytingar og nýjungar:

Frumvarpið felur í sér innleiðingu á reglugerð (ESB) 2021/337. Lagt er til að létt verði tímabundið og í tilteknum tilvikum á kröfum um efni lýsinga sem birta skal þegar verðbréf eru boðin í almennu útboði eða tekin til viðskipta á skipulegum markaði á Evrópska efnahagssvæðinu. Lýsing er samheiti yfir skjöl sem gefa þarf út vegna almenns útboðs verðbréfa eða töku verðbréfa til viðskipta á skipulegum markaði og er ætlað að gera fjárfestum kleift að taka upplýsta fjárfestingarákvörðun.

Breytingar á lögum og tengd mál: Lög um lýsingu verðbréfa sem boðin eru í almennu útboði eða tekin til viðskipta á skipulegum markaði, nr. 14/2020.

Lög um upplýsingaskyldu útgefenda verðbréfa og flöggunarskyldu, nr. 20/2021.

Kostnaður og tekjur: Ekki er gert ráð fyrir áhrifum á ríkissjóð.

Aðrar upplýsingar: Reglugerð Evrópuþingsins og ráðsins (ESB) 2021/337 frá 16. febrúar 2021 um breytingu á reglugerð (ESB) 2017/1129 að því er varðar ESB-endurbótalýsingu og markvissar aðlaganir fyrir fjármálamilliliði og tilskipun 2004/109/EB að því er varðar notkun á sameiginlega rafræna skýrslusniðinu fyrir árleg reikningsskil, til að stuðla að endurbótum í kjölfar COVID-19 hættuástandsins.

Afgreiðsla: Samþykkt óbreytt.

Efnisflokkar: Erlend samskipti: Alþjóðasamningar og utanríkismál | Atvinnuvegir: Viðskipti

385 | Lýsing verðbréfa o.fl. (ESB-endurbótalýsing o.fl.)

Þingskjöl