Markmið: Að stuðla að vernd almannahagsmuna og auknu þjóðaröryggi á sviði fjarskipta.

Helstu breytingar og nýjungar: Lagt er til að ítarlegri kröfur verði gerðar til fjarskiptafyrirtækja um áhættustýringu og viðbúnað, ekki síst hvað varðar útvistun rekstrarþátta út fyrir íslenska lögsögu. Gert er ráð fyrir að lögfest verði ákvæði er lýtur að staðsetningu fjarskiptaneta og að skýrar verði kveðið á um eftirlitsheimildir Fjarskiptastofu og hlutverk stofnunarinnar er varðar almannahagsmuni og þjóðaröryggi. Loks er lagt til að ráðherra geti bundið erlenda fjárfestingu skilyrðum til þess að koma í veg fyrir að hún geti ógnað öryggi landsins, gengið gegn allsherjarreglu, almannaöryggi o.s.frv.

Breytingar á lögum og tengd mál: Lög um fjarskipti, nr. 81/2003.

Kostnaður og tekjur: Kemur ekki fram í frumvarpi.

Aðrar upplýsingar:

Afgreiðsla: Samþykkt með þeim breytingum að kröfur varðandi útvistun rekstrarþátta voru einskorðaðar við starfsemi sem nauðsynleg er fyrir virkni, vernd eða stjórnun fjarskipta.

Efnisflokkar: Hagstjórn: Fjárreiður ríkisins  |  Samgöngumál: Fjarskipti og póstmál  |  Lög og réttur: Löggæsla og eftirlit  |  Atvinnuvegir: Viðskipti