Markmið: Að styðja við lífvænleg sprota- og nýsköpunarfyrirtæki sem standa frammi fyrir mikilli óvissu um fjármögnun og erfiðleikum vegna neikvæðra áhrifa kórónuveirufaraldursins.

Helstu breytingar og nýjungar: Lagt er til að bráðabirgðaákvæði verði bætt við lögin, sem feli í sér umgjörð um framkvæmd og veitingu mótframlagslána úr Nýsköpunarsjóði atvinnulífsins í samvinnu við fjárfesta.

Breytingar á lögum og tengd mál: Lög um Nýsköpunarsjóð atvinnulífsins, nr. 61/1997.

Kostnaður og tekjur: Verði frumvarpið óbreytt að lögum er ekki gert ráð fyrir að það muni leiða til aukinna útgjalda fyrir ríkissjóð umfram það sem nú þegar hefur verið gert ráð fyrir til verkefnisins í fjáraukalögum fyrir árið 2020, sbr. lög nr. 36/2020.

Aðrar upplýsingar: Viðspyrna fyrir Ísland - efnahagsaðgerðir stjórnvalda vegna COVID-19.

Afgreiðsla: Samþykkt með lítils háttar breytingu.

Efnisflokkar: Samfélagsmál: Atvinnumál  |  Hagstjórn: Fjárreiður ríkisins  |  Atvinnuvegir: Viðskipti