Markmið: Að hvetja einstaklinga, sem eru fæddir á árinu 2002 eða fyrr og hafa íslenska kennitölu, að ferðast innan lands. Útgáfa ferðagjafarinnar er meðal þeirra skilgreindu aðgerða íslenskra stjórnvalda til að veita efnahagslífinu og einkum ferðaþjónustunni viðspyrnu. 

Helstu breytingar og nýjungar: Lagt er til að stjórnvöldum verði heimiluð útgáfa skattfrjálsrar ferðagjafar að fjárhæð 5.000 kr. til einstaklinga, sem eru fæddir árið 2002 eða fyrr og hafa íslenska kennitölu. Hægt verður að greiða með ferðagjöfinni frá útgáfudegi til og með 31. desember 2020 hjá skilgreindum fyrirtækjum sem hafa starfsstöð á Íslandi og tilgreind eru í 1.–5. tölul. 2. mgr. 1. gr.

Breytingar á lögum og tengd mál: Um er að ræða ný lög.

Kostnaður og tekjur: Gert er ráð fyrir að kostnaður ríkissjóðs verði 1,5 milljarðar króna.

Aðrar upplýsingar:

Afgreiðsla: Samþykkt með þeirri breytingu að þeir sem eiga rétt á ferðagjöfinni þurfa að vera með skráð lögheimili á Íslandi. 

Efnisflokkar: Atvinnuvegir: Ferðaþjónusta  |  Hagstjórn: Fjárreiður ríkisins  |  Atvinnuvegir: Tölvu- og upplýsingamál  |  Atvinnuvegir: Viðskipti