Markmið: Að veita ferðaskrifstofum svigrúm til að vinna sig í gegnum rekstrarerfiðleika vegna heimsfaraldurs kórónuveiru (SARS-CoV-2).

Helstu breytingar og nýjungar: Lagt er til að ferðaskrifstofum verði heimilt að endurgreiða ferðamanni vegna pakkaferða sem eru afpantaðar eða er aflýst og átti að fara á tímabilinu 15. mars til og með 30. júní 2020 með inneignarnótu, sem heimilt verði að innleysa að liðnum 12 mánuðum, eftir að tímabili því sem afmarkar óvenjulegar og óviðráðanlegar aðstæður skv. 3. mgr. er lokið hafi hún á þeim tíma ekki verið nýtt. 

Breytingar á lögum og tengd mál: Lög um pakkaferðir og samtengda ferðatilhögun, nr. 95/2018.

Kostnaður og tekjur: Ekki er búist við því að samþykkt frumvarpsins hafi nein áhrif á ríkissjóð.

Afgreiðsla: Frumvarpið var ekki afgreitt úr nefnd eftir 1. umræðu.

Efnisflokkar: Atvinnuvegir: Ferðaþjónusta  |  Atvinnuvegir: Viðskipti