711. mál: Kría - sprota- og nýsköpunarsjóður

711 | Kría - sprota- og nýsköpunarsjóður

150. þing | 2.4.2020 | Lagafrumvarp | Stjórnarmál Samþykkt

Umsagnir: 13 | Þingskjöl: 4 | Staða: Lokið

Samantekt

Markmið: Að efla vöxt og samkeppnishæfni íslensks atvinnulífs með því að stuðla að virku fjármögnunarumhverfi fyrir sprota- og nýsköpunarfyrirtæki.

Helstu breytingar og nýjungar:

Lögð er til stofnun sérstaks sjóðs í eigu ríkisins, Kríu – sprota- og nýsköpunarsjóðs, sem hefði það hlutverk að fjárfesta í öðrum sérhæfðum sjóðum, svokölluðum vísisjóðum, sem aftur fjárfesta í sprota- og nýsköpunarfyrirtækjum að uppfylltum þeim skilyrðum sem kveðið verður á um í reglugerð ráðherra. Vísisjóðir, sem eru sérhæfðir áhættufjárfestingarsjóðir, þykja mikilvægir til stuðnings við sprota- og nýsköpunarfyrirtæki sem byggjast að mestu eða öllu leyti á hugviti. Með stofnun Kríu verður stuðlað að því að sprota- og nýsköpunarfyrirtæki eigi kost á áhættufjármagni á fyrstu stigum uppbyggingar þeirra. Sá hluti atvinnulífsins sem byggist á nýsköpun og hugviti öðlast þá meiri og betri möguleika til vaxtar og þróunar í alþjóðlegu umhverfi.

Breytingar á lögum og tengd mál: Um er að ræða ný lög.

Kostnaður og tekjur: Gert er ráð fyrir því að 7.650 milljónum kr. verði varið úr ríkissjóði til stofnunar hins nýja sjóðs á árunum 2020 til 2024. Gert er ráð fyrir því að langtímaáhrif sjóðsins á ríkissjóð verði jákvæð. m.a. vegna aukinna skatttekna og fjölgunar starfa.

Aðrar upplýsingar:

Nýsköpunarlandið Ísland. Atvinnuvega- og nýsköpunarráðuneytið, október 2019.

Sáttmáli Framsóknarflokks, Sjálfstæðisflokks og Vinstrihreyfingarinnar – græns framboðs um ríkisstjórnarsamstarf og eflingu Alþingis.

Afgreiðsla: Samþykkt með þeim breytingum að ákvarðanir Kríu – sprota- og nýsköpunarsjóðs verða endanlegar á stjórnsýslustigi og hætt var við að kveðið yrði á um tíðni fjárfestingarákvarðana stjórnar.

Efnisflokkar: Hagstjórn: Fjárreiður ríkisins | Atvinnuvegir: Viðskipti

Þingskjöl

Umsagnir