Markmið: Að heimila Vegagerðinni að semja, að undangengnu útboði, við einkaaðila um tilteknar samgönguframkvæmdir sem teljast brýnar, annaðhvort á grundvelli öryggissjónarmiða eða aðgengis- og byggðasjónarmiða, en myndu þrátt fyrir það ekki koma til framkvæmda í náinni framtíð vegna skorts á fjárheimildum.

Helstu breytingar og nýjungar: Lagt er til að ráðherra verði veitt heimild til að setja tilteknar sex brýnar framkvæmdir í heild eða að hluta í hendur einkaaðila. Um er að ræða heimild til að semja við einkaaðila um fjármögnun framkvæmdanna, uppbyggingu þeirra og veghald. Þá er gert ráð fyrir að framkvæmdaraðila (einkaaðila) geti með samningi verið heimiluð gjaldtaka vegna viðkomandi framkvæmda.

Breytingar á lögum og tengd mál: Um er að ræða ný lög.

Kostnaður og tekjur: Ekki er gert ráð fyrir að til útgjalda komi af hálfu hins opinbera umfram það sem gert er ráð fyrir í ramma málefnasviðs samgangna í fjármálaáætlun.

Aðrar upplýsingar: Vegaframkvæmdir – leiðir til fjármögnunar. Samgöngu- og sveitarstjórnarráðuneytið, apríl 2019.

Afgreiðsla: Samþykkt með minni háttar breytingum.

Efnisflokkar: Hagstjórn: Fjárreiður ríkisins  |  Samgöngumál: Samgöngur  |  Hagstjórn: Skattar og tollar