Markmið: Að tryggja að Matvælastofnun hafi fullnægjandi úrræði til að framfylgja lögbundnum skyldum sínum.

Helstu breytingar og nýjungar: Lagt er til að gefinn verði kostur á því að dýr séu send úr landi ef þau eru m.a. flutt inn án heimildar í stað þess að þeim sé tafarlaust lógað eins og gildandi lög kveða á um. Einnig er lagt til að kveðið verði skýrar á um starfsemi sóttvarna- og einangrunarstöðva. Þá er lagt til að heimildir Matvælastofnunar verði skýrðar nánar í þeim tilfellum þegar upp kemur alvarlegur smitsjúkdómur, óeðlileg eða óútskýrð afföll eða rökstuddur grunur um smitsjúkdóm í sóttvarna- eða einangrunarstöð og skyldur rekstraraðila þeirra til að hlíta fyrirmælum stofnunarinnar.

Breytingar á lögum og tengd mál: Lög um innflutning dýra, nr. 54/1990.

Kostnaður og tekjur: Ekki er gert ráð fyrir neinum áhrifum á ríkissjóð.

Afgreiðsla: Samþykkt með minni háttar breytingum.

Efnisflokkar: Heilsa og heilbrigði: Heilbrigðiseftirlit