Markmið: Að breyta lagaskilyrðum fyrir töku hálfs ellilífeyris frá 65 ára aldri. Breytingunum er ætlað að verða til þess að fjölga í þeim hópi einstaklinga á ellilífeyrisaldri sem geta átt kost á hálfum lífeyri úr almannatryggingum á móti hálfri lífeyrissjóðsgreiðslu úr lífeyrissjóði.

Helstu breytingar og nýjungar: Breytingarnar sem í frumvarpinu felast eru í þrennu lagi: 1) Felld verði niður krafa um að samanlagður lífeyrisréttur umsækjanda úr skyldubundnum atvinnutengdum lífeyrissjóði og almannatryggingum jafngildi fullum ellilífeyri almannatrygginga; 2) hálfur lífeyrir verði tekjutengdur og sett verði almennt frítekjumark sem gildi um allar tekjur; og 3) það verði skilyrði fyrir heimild til töku hálfs lífeyris að lífeyrisþeginn sé á vinnumarkaði, að hámarki í 50% starfi.

Breytingar á lögum og tengd mál: Lög um almannatryggingar, nr. 100/2007.

Kostnaður og tekjur: Ekki liggur fyrir mat á áhrifum á ríkissjóð.

Afgreiðsla: Samþykkt með minni háttar breytingum.

Efnisflokkar: Samfélagsmál: Almannatryggingar  |  Samfélagsmál: Atvinnumál  |  Samfélagsmál: Félagsmál