330. mál: Breyting á ýmsum lögum vegna samvinnu stjórnvalda á Evrópska efnahagssvæðinu um neytendavernd

330 | Breyting á ýmsum lögum vegna samvinnu stjórnvalda á Evrópska efnahagssvæðinu um neytendavernd (heimildir til rannsókna og framfylgdar)

150. þing | 1.11.2019 | Lagafrumvarp | Stjórnarmál Samþykkt

Umsagnir: 6 | Þingskjöl: 5 | Staða: Lokið

Samantekt

Markmið:

Að uppfylla í íslenskum rétti kröfur 9. og 10. gr. reglugerðar ESB nr. 2017/2394 um samvinnu milli landsyfirvalda sem bera ábyrgð á að framfylgja lögum um neytendavernd og um niðurfellingu reglugerðar (EB) nr. 2006/2004. Að lögfesta meginreglu um sáttaumleitan í lögum um eftirlit með viðskiptaháttum og markaðssetningu.

Helstu breytingar og nýjungar:

Lagt er til að innleiða í íslenskan rétt ákvæði 9. og 10. gr. reglugerðar ESB nr. 2017/2394 um samvinnu milli landsyfirvalda sem bera ábyrgð á að framfylgja lögum um neytendavernd og um niðurfellingu reglugerðar (EB) nr. 2006/2004. Í því skyni eru lagðar til ýmsar lagabreytingar á sviði neytendaverndar, sem falla undir gildssvið reglugerðarinnar, og er ætlað að tryggja að lögbær yfirvöld sem fara með framkvæmd laganna hafi þær lágmarksheimildir til rannsókna og framfylgdar sem kveðið er á um í 9. gr., sbr. 10. gr. reglugerðarinnar. Einnig er lagt til að lögfesta meginreglu um sáttaumleitan, útgáfu leiðbeinandi reglna og forgangsröðunarreglu. Þá er lagt til að kveðið verði á um það með skýrum hætti að þeir sem eigi lögvarða hagsmuni geti höfðað dómsmál vegna brota gegn lögunum.

Breytingar á lögum og tengd mál: Lög um eftirlit með viðskiptaháttum og markaðssetningu, nr. 57/2005.

Lyfjalög, nr. 93/1994.

Lög um fjarskipti, nr. 81/2003.

Lög um fjarsölu á fjármálaþjónustu, nr. 33/2005.

Lög um fjölmiðla, nr. 38/2011.

Lög um þjónustuviðskipti á innri markaði Evrópska efnahagssvæðisins, nr. 76/2011.

Lög um pakkaferðir og samtengda ferðatilhögun, nr. 95/2018.

Siglingalög, nr. 34/1985.

Lög um loftferðir, nr. 60/1998.

Lög um farþegaflutninga og farmflutninga á landi, nr. 28/2017.

Kostnaður og tekjur: Ekki er gert ráð fyrir neinum fjárhagsáhrifum á ríkissjóð.

Aðrar upplýsingar: Reglugerð Evrópuþingsins og ráðsins (ESB) 2017/2394 frá 12. desember 2017 um samvinnu milli landsyfirvalda sem bera ábyrgð á að framfylgja lögum um neytendavernd og um niðurfellingu reglugerðar (EB) nr. 2006/2004.

Afgreiðsla: Samþykkt með minni háttar breytingum.

Efnisflokkar: Erlend samskipti: Alþjóðasamningar og utanríkismál | Samgöngumál: Samgöngur | Atvinnuvegir: Viðskipti

Þingskjöl

Umsagnir