Markmið: Að efla íslenskar sviðslistir (leiklist, danslist, óperuflutning, brúðuleik og skylda liststarfsemi) á landinu öllu, kveða á um fyrirkomulag sviðslista og búa þeim hagstæð skilyrði.

Helstu breytingar og nýjungar:

Breytingar á lögum og tengd mál: Um er að ræða ný lög og við gildistöku laganna falla brott leiklistarlög, nr. 138/1998.

Kostnaður og tekjur: Gert er ráð fyrir óverulegum kostnaði fyrir ríkissjóð.

Afgreiðsla: Samþykkt með nokkrum breytingum. M.a. var fallið frá þeirri skyldu að auglýsa embætti þjóðleikhús- eða listdansstjóra við lok fyrra skipunartímabils þegar þegar hefur verið ákveðið að endurnýja ráðningu. Samþykkt var að kveða á um skyldu ráðherra, en ekki einungis heimild, til að stofna kynningarmiðstöð sviðslista. Þá var samþykkt að einungis atvinnuhópar fái styrkveitingar úr Sviðslistasjóði og núverandi fyrirkomulag við úthlutanir til áhugahópa verði óbreytt.

Efnisflokkar: Mennta- og menningarmál: Menningarmál