190. mál: Skráningarskylda félaga til almannaheilla með starfsemi yfir landamæri

190 | Skráningarskylda félaga til almannaheilla með starfsemi yfir landamæri

150. þing | 7.10.2019 | Lagafrumvarp | Stjórnarmál Samþykkt

Umsagnir: 2 | Þingskjöl: 4 | Staða: Lokið

Samantekt

Markmið: Að gera félög til almannaheilla skráningarskyld til að koma í veg fyrir að þau verði misnotuð í þágu brotastarfsemi.

Helstu breytingar og nýjungar:

Lagt er til að félög til almannaheilla, sem safna eða útdeila fjármunum í almannaþágu og eru með starfsemi yfir landamæri, verði aðgreind frá öðrum félagasamtökum og að settar verði reglur um stofnun slíkra félaga, meginefni samþykkta, stjórnun þeirra og skráningarskyldu. Lagt er til að þau félög sem falla munu undir lögin verði skráð í almannaheillafélagaskrá sem ríkisskattstjóri haldi og taki við nýskráningum þeirra, breytingum á skráningu og tilkynningum um slit, auk þess að hafa heimild til afskráningar.

Breytingar á lögum og tengd mál: Um er að ræða ný lög en við gildistöku laganna verða breytingar á lögum um fyrirtækjaskrá, nr. 17/2003.

Kostnaður og tekjur: Gert er ráð fyrir óverulegum kostnaði fyrir ríkissjóð.

Aðrar upplýsingar: Úttekt fjármálaaðgerðahópsins (Financial Action Task Force, FATF) á Íslandi, apríl 2018.

Afgreiðsla: Samþykkt með minni háttar breytingum.

Efnisflokkar: Samfélagsmál: Félagsmál

Þingskjöl

Umsagnir