Ferill 312. máls. Aðrar útgáfur af skjalinu: PDF - Word Perfect.
156. löggjafarþing 2025.
Þingskjal 517 — 312. mál.
Svar
umhverfis-, orku- og loftslagsráðherra við fyrirspurn frá Diljá Mist Einarsdóttur um stoðþjónustu.
1. Hversu margir starfsmenn á vegum ráðuneytisins starfa við stoðþjónustu? Svar óskast sundurliðað eftir ráðuneyti, undirstofnunum þess og starfseiningum.
Umhverfis-, orku- og loftslagsráðuneyti: Ráðuneytið hefur 7,5 stöðugildi við stoðþjónustu.
Íslenskar orkurannsóknir (ÍSOR): ÍSOR hefur 7 stöðugildi á rekstrarsviði stofnunarinnar.
Land og skógur: Stofnunin hefur alls 13,5 stöðugildi á þremur sviðum við stoðþjónustu.
Minjastofnun Íslands: Stofnunin hefur tvö stöðugildi við stoðþjónustu á einu sviði.
Náttúrufræðistofnun: Stofnunin hefur 8,4 stöðugildi við stoðþjónustu.
Náttúruverndarstofnun: 9 stöðugildi eru við stoðþjónustu hjá Náttúruverndarstofnun í dag, þar af er eitt stöðugildi tímabundið til 12 mánaða.
Umhverfis- og orkustofnun: Hjá stofnuninni eru alls 13,5 stöðugildi á þremur sviðum við stoðþjónustu.
Úrskurðarnefnd umhverfis- og auðlindamála: Enginn af starfsmönnum úrskurðarnefndarinnar starfar alfarið við stoðþjónustu en forstöðumaður og ritari nefndarinnar sinna verkefnum af því tagi samhliða öðrum störfum.
Úrvinnslusjóður: Stofnunin hefur þrjú stöðugildi sem fást við stoðþjónustu samhliða öðrum störfum.
Veðurstofa Íslands: Stofnunin hefur alls 22 stöðugildi við stoðþjónustu á þremur sviðum.
2. Að hve miklu leyti nýta viðkomandi einingar sér stoðþjónustu Fjársýslu ríkisins?
Umhverfis-, orku- og loftslagsráðuneyti: Ráðuneytið nýtir sér bókhalds-, greiðslu- og launaþjónustu Fjársýslu ríkisins (FJS).
ÍSOR: Stofnunin nýtir sér ekki þjónustu FJS. Athygli er vakin á því að ÍSOR er stofnun í B-hluta og því er starfsemin ekki fjármögnuð með ríkisframlagi.
Land og skógur: Stofnunin nýtir sér greiðslu- og launaþjónustu FJS.
Minjastofnun Íslands: Stofnunin nýtir sér bókhalds-, greiðslu- og launaþjónustu FJS.
Náttúrufræðistofnun: Stofnunin nýtir sér bókhalds-, greiðslu-, innheimtu- og launaþjónustu FJS.
Náttúruverndarstofnun: Stofnunin nýtir sér bókhalds- og greiðsluþjónustu FJS.
Umhverfis- og orkustofnun: Stofnunin nýtir sér bókhalds-, greiðslu- og launaþjónustu FJS.
Úrskurðarnefnd umhverfis- og auðlindamála: Nefndin nýtir sér bókhalds-, greiðslu- og launaþjónustu FJS.
Úrvinnslusjóður: Stofnunin nýtir sér bókhalds-, greiðslu- og launaþjónustu FJS.
Veðurstofa Íslands: Stofnunin nýtir sér bókhalds- og launaþjónustu FJS.
