836/156 frumvarp eftir 2. umræðu: breyting á ýmsum lögum um skatta, tolla og gjöld

Ferill 260. máls. Aðrar útgáfur af skjalinu: PDF - Word Perfect.

156. löggjafarþing 2025.
Þingskjal 836 — 260. mál.

Frumvarp til laga

um breytingu á ýmsum lögum um skatta, tolla og gjöld (aðgerðir gegn peningaþvætti, viðurlög o.fl.).

(Eftir 2. umræðu, 5. júlí.)

I. KAFLI

Breyting á tollalögum, nr. 88/2005.

1. gr.

Orðin „eða 84. gr. búvörulaga, nr. 99/1993“ í 2. mgr. 5. gr. laganna falla brott.

2. gr.

2. mgr. 13. gr. laganna fellur brott.

3. gr.

    Eftirfarandi breytingar verða á 27. gr. a laganna:
     a.      Í stað orðanna „og farmönnum“ í 1. mgr. kemur: farmönnum og notendum póstþjónustu hér á landi samkvæmt lögum um póstþjónustu, nr. 98/2019.
     b.      Í stað orðanna „og tollmiðlara“ í 3. mgr. kemur: tollmiðlara og notenda póstþjónustu hér á landi.

4. gr.

3. mgr. 93. gr. laganna fellur brott.

5. gr.

2. málsl. 3. tölul. 98. gr. laganna fellur brott.

6. gr.

2. málsl. 3. tölul. 103. gr. laganna fellur brott.

7. gr.

3. mgr. 107. gr. laganna fellur brott.

8. gr.

Á eftir 116. gr. laganna kemur ný grein, 116. gr. a, ásamt fyrirsögn, svohljóðandi:

Leiðréttingar vegna breyttrar framkvæmdar.

Tollyfirvöldum er heimilt að eigin frumkvæði sé þess kostur eða samkvæmt beiðni innflytjanda að leiðrétta ákvörðun um fjárhæð aðflutningsgjalda ef yfirskattanefnd eða dómstólar hafa í hliðstæðu máli endanlega hnekkt framkvæmd sem lá til grundvallar tollafgreiðslu vöru. Sama á við ef beinlínis er kveðið svo á um í lögum að fallið sé frá fyrri framkvæmd afturvirkt. Breyting af þessu tilefni getur tekið til álagningar aðflutningsgjalda frá og með því ári sem um var fjallað í máli því sem hliðstætt er talið, enda sé um verulega hagsmuni að ræða, þó lengst sex ár aftur í tímann, talið frá því ári þegar mál hófst, svo sem við móttöku beiðni.

9. gr.

Á eftir orðunum „116. gr.“ í 1. mgr. 118. gr. laganna kemur: og 116. gr. a.

10. gr.

Við 156. gr. laganna bætist ný málsgrein, svohljóðandi:
Þrátt fyrir ákvæði 2. mgr. er tollgæslu heimilt að leita í innrituðum farangri farþega og áhafnar að viðkomandi fjarstöddum ef það leiðir til óhóflegra tafa eða annarra erfiðleika að hann sé viðstaddur leitina. Upplýsa skal viðkomandi um að tollskoðun hafi farið fram ef hann hefur ekki verið viðstaddur leitina.

11. gr.

    Eftirfarandi breytingar verða á 172. gr. laganna:
     a.      4. mgr. fellur brott.
     b.      Í stað orðanna „1., 3. eða 4. mgr.“ í 5. mgr. kemur: 1. eða 3. mgr.
     c.      Við bætist ný málsgrein, svohljóðandi:
                  Gera má lögaðila sekt fyrir brot gegn ákvæði þessu, óháð því hvort brotið verði rakið til saknæms verknaðar fyrirsvarsmanns eða starfsmanns lögaðilans, enda sé brotið drýgt til hagsbóta fyrir lögaðilann eða hann hafi notið hagnaðar af brotinu.

12. gr.

    Á eftir 172. gr. laganna kemur ný grein, 172. gr. a, svohljóðandi:
    Innflytjandi, útflytjandi, tollmiðlari, ferðamaður, farmaður eða notandi póstþjónustu hér á landi sem lætur hjá líða að gera grein fyrir flutningi á fjármunum skv. 27. gr. a, eða veitir rangar eða villandi upplýsingar um slíka flutninga, skal sæta sektum. Sektir skulu nema 20% af verðmæti þeirra fjármuna sem ekki var tilkynnt um.
    Gera má lögaðila sekt fyrir brot skv. 1. mgr. óháð því hvort brotið verði rakið til saknæms verknaðar fyrirsvarsmanns eða starfsmanns lögaðilans.

13. gr.

    Eftirfarandi breytingar verða á 185. gr. laganna:
     a.      Við 1. málsl. 2. mgr. bætist: sbr. þó 4. mgr.
     b.      Á eftir 3. mgr. kemur ný málsgrein, svohljóðandi:
                  Tollyfirvöldum er heimilt að ákveða sekt skv. 172. gr. a ef brot er skýlaust sannað og sökunautur játast undir þá ákvörðun og greiðir sektina þegar í stað. Við slíka sektarákvörðun skal greina í bókun, skýrt og stuttlega, frá því broti sem um er að tefla og refsiákvæði sem það varðar. Um uppgjör á greiðslu sekta fer samkvæmt reglugerð sem ráðherra setur.
     c.      Á eftir orðinu „grein“ í 1. málsl. 5. mgr. kemur: þ.m.t. skv. 4. mgr.
     d.      Í stað tilvísunarinnar „2. mgr.“ í 6. mgr. kemur: 2. og 4. mgr.
     e.      Við 6. mgr. bætist: eftir því sem við á.

14. gr.

Í stað ártalsins „2024“ í 2. mgr. ákvæðis til bráðabirgða XIX í lögunum kemur: 2025.

II. KAFLI

Breyting á lögum um virðisaukaskatt, nr. 50/1988.

15. gr.

Í stað orðanna „tollskrárnúmer 9701.1000–9703.0000“ í 4. tölul. 5. mgr. 2. gr. laganna kemur: vöruliði nr. 9701–9703 í tollskrá.

16. gr.

Í stað orðanna „tollskrárnúmer 9701.1000–9703.0000“ í 2. tölul. 4. gr. laganna kemur: vöruliði nr. 9701–9703 í tollskrá.

17. gr.

    Eftirfarandi breytingar verða á 29. gr. A laganna:
     a.      4. og 5. málsl. falla brott.
     b.      Við bætast tvær nýjar málsgreinar, svohljóðandi:
                  Ríkisskattstjóra er heimilt að eigin frumkvæði sé þess kostur eða samkvæmt beiðni skattaðila að leiðrétta ákvörðun um virðisaukaskatt ef yfirskattanefnd eða dómstólar hafa í hliðstæðu máli endanlega hnekkt skattframkvæmd sem skattskil eða ákvörðun ríkisskattstjóra var byggð á. Sama á við sé beinlínis kveðið svo á um í lögum að fallið sé frá fyrri framkvæmd afturvirkt. Breyting af þessu tilefni getur lengst tekið til virðisaukaskattsstofns eða virðisaukaskatts frá og með því rekstrarári sem um var fjallað í máli því sem hliðstætt er talið, enda sé um verulega hagsmuni að ræða. Um tímamark heimildar til breytinga skv. 1. og 2. málsl. fer skv. 1. málsl. 1. mgr. eftir því sem við á.
                  Skattaðila er heimilt að kæra ákvarðanir ríkisskattstjóra samkvæmt lagagrein þessari til yfirskattanefndar, sbr. lög um yfirskattanefnd.

18. gr.

Í stað orðanna „tollskrárnúmer 9701.1000–9703.0000” í 4. tölul. 1. mgr. 36. gr. laganna kemur: vöruliði nr. 9701–9703 í tollskrá.

III. KAFLI

Breyting á lögum um umhverfis- og auðlindaskatta, nr. 129/2009.

19. gr.

2. mgr. 13. gr. laganna orðast svo:
Fjárhæð skatts á hvert kíló flúoraðrar gróðurhúsalofttegundar skal vera eftirfarandi:

Tollnr. (IS)	Iðnaðarheiti	Skattur
2812.9010	Brennisteinshexaflúoríð (SF₆)	10.000 kr./kg
3827.6110	Blanda R404A	9.805 kr./kg
3827.6410	Blanda R407C	4.435 kr./kg
3827.6420	Blanda R407F	4.563 kr./kg
3827.6310	Blanda R410A	5.220 kr./kg
3827.6210	Blanda R422A	7.858 kr./kg
3827.6220	Blanda R422D	6.823 kr./kg
3827.6120	Blanda R428A	9.018 kr./kg
3827.6130	Blanda R434A	8.113 kr./kg
3827.6430	Blanda R437A	4.513 kr./kg
3827.6320	Blanda R438A	5.663 kr./kg
3827.6510	Blanda R448A	3.468 kr./kg
3827.6520	Blanda R449A	3.493 kr./kg
3827.6140	Blanda R507	9.963 kr./kg
3827.5110	Blanda R508B	10.000 kr./kg
3827.6330	Blanda R452A	5.350 kr./kg
2903.4411	HFC-125	8.750 kr./kg
2903.4511	HFC-134	2.750 kr./kg
2903.4512	HFC-134a	3.575 kr./kg
2903.4412	HFC-143	883 kr./kg
2903.4413	HFC-143a	10.000 kr./kg
2903.4311	HFC-152	133 kr./kg
2903.4312	HFC-152a	310 kr./kg
2903.4911	HFC-161	30 kr./kg
2903.4611	HFC-227ea	8.050 kr./kg
2903.4100	HFC-23	10.000 kr./kg
2903.4612	HFC-236cb	3.350 kr./kg
2903.4613	HFC-236ea	3.425 kr./kg
2903.4614	HFC-236fa	10.000 kr./kg
2903.4711	HFC-245ca	1.733 kr./kg
2903.4712	HFC-245fa	2.575 kr./kg
2903.4200	HFC-32	1.688 kr./kg
2903.4811	HFC-365 mfc	1.985 kr./kg
2903.4313	HFC-41	230 kr./kg
2903.4812	HFC-43-10 mee	4.100 kr./kg
2903.4912	PFC-116	10.000 kr./kg
2903.4913	PFC-14	10.000 kr./kg
2903.4914	PFC-218	10.000 kr./kg
2903.4915	PFC-3-1-10 (R-31-10)	10.000 kr./kg
2903.4916	PFC-4-1-12 (R-41-12)	10.000 kr./kg
2903.4917	PFC-5-1-14 (R-51-14)	10.000 kr./kg
2903.8910	PFC-c-318	10.000 kr./kg

IV. KAFLI

Breyting á lögum um tekjuskatt, nr. 90/2003.

20. gr.

    Eftirfarandi breytingar verða á 101. gr. laganna:
     a.      4. og 5. málsl. 2. mgr. falla brott.
     b.      3. mgr. orðast svo:
                  Ríkisskattstjóra er heimilt að eigin frumkvæði sé þess kostur eða samkvæmt beiðni að leiðrétta álagningu á skattaðila ef yfirskattanefnd eða dómstólar hafa endanlega í hliðstæðu máli hnekkt skattframkvæmd sem skattskil eða ákvörðun ríkisskattstjóra var byggð á. Sama á við sé beinlínis kveðið svo á um í lögum að fallið sé frá fyrri skattframkvæmd afturvirkt. Breyting af þessu tilefni getur lengst tekið til skattstofns eða skatts frá og með því tekjuári sem um var fjallað í máli því sem hliðstætt er talið, enda sé um verulega hagsmuni að ræða. Um tímamark heimildar til breytinga skv. 1. og 2. málsl. fer skv. 1. málsl. 2. mgr. eftir því sem við á.
     c.      Við bætist ný málsgrein, svohljóðandi:
                  Skattaðila er heimilt að kæra ákvarðanir ríkisskattstjóra skv. 2. og 3. mgr. til yfirskattanefndar, sbr. lög um yfirskattanefnd.

21. gr.

Í stað dagsetningarinnar „31. desember 2024“ í ákvæði til bráðabirgða LXXVII í lögunum kemur: 31. desember 2027.

22. gr.

Við lögin bætist nýtt ákvæði til bráðabirgða, svohljóðandi:
Viðbótarhúsnæðisstuðningur til tekju- og eignaminni Grindvíkinga sem veittur er vegna leigu húsnæðis á tímabilinu 1. apríl 2025 til og með 30. nóvember 2025 á grundvelli 2. mgr. 3. gr. laga um framkvæmdanefnd vegna jarðhræringa í Grindavíkurbæ, nr. 40/2024, telst ekki til tekna við ákvörðun greiðslna samkvæmt lögum þessum.

V. KAFLI

Breyting á lögum um póstþjónustu, nr. 98/2019.

23. gr.

Við 30. gr. laganna bætist ný málsgrein, svohljóðandi:
Póstrekanda er óheimilt að veita móttöku sendingu til útlanda eða sendingu til landsins sem inniheldur fjármuni í reiðufé eða handhafabréfum, þ.m.t. ferðatékkum, að fjárhæð sem nemur 10.000 evrum eða meira, miðað við opinbert viðmiðunargengi eins og það er skráð hverju sinni, nema notandi póstþjónustunnar, sendandi vegna sendingar til útlanda eða viðtakandi vegna sendingar til landsins, hafi áður tilkynnt um flutning á fjármunum til tollyfirvalda skv. 27. gr. a tollalaga, nr. 88/2005.

VI. KAFLI

Breyting á lögum um jöfnun kostnaðar við dreifingu raforku, nr. 98/2004.

24. gr.

    Eftirfarandi breytingar verða á 3. gr. a laganna:
     a.      Í stað fjárhæðarinnar „0,41 kr.“ í 1. málsl. 3. mgr. kemur: 0,76 kr.
     b.      Í stað fjárhæðarinnar „0,13 kr.“ í 2. málsl. 3. mgr. kemur: 0,25 kr.
     c.      2. málsl. 4. mgr. orðast svo: Gjalddagi er 1. júlí ár hvert fyrir fyrstu sex mánuði þess almanaksárs og 1. desember ár hvert fyrir síðustu sex mánuði þess almanaksárs og byggist gjaldið á rauntölum vegna liðins árs.

VII. KAFLI
Breyting á lögum um almannatryggingar, nr. 100/2007.
25. gr.

Við ákvæði til bráðabirgða í lögunum bætist nýr töluliður, svohljóðandi:
Viðbótarhúsnæðisstuðningur til tekju- og eignaminni Grindvíkinga sem veittur er vegna leigu húsnæðis á tímabilinu 1. apríl 2025 til og með 30. nóvember 2025 á grundvelli 2. mgr. 3. gr. laga um framkvæmdanefnd vegna jarðhræringa í Grindavíkurbæ, nr. 40/2024, telst ekki til tekna við ákvörðun greiðslna samkvæmt lögum þessum.

VIII. KAFLI
Breyting á lögum um félagslega aðstoð, nr. 99/2007.
26. gr.

27. gr.

    Lög þessi öðlast þegar gildi.
    Þrátt fyrir ákvæði 1. mgr. öðlast 22., 25. og 26. gr. gildi 1. maí 2025.
    Ákvæði 24. gr. kemur til framkvæmda 1. júlí 2025.

Þingfundir og mál

Leita á vefnum