Ferill 229. máls. Aðrar útgáfur af skjalinu: PDF - Word Perfect.
156. löggjafarþing 2025.
Þingskjal 546 — 229. mál.
Viðbótarsvar
félags- og húsnæðismálaráðherra við fyrirspurn frá Degi B. Eggertssyni um félagslegar leiguíbúðir í eigu sveitarfélaga.
Fyrirspurnin hljóðar svo:
1. Hver er fjöldi félagslegra leiguíbúða í eigu sveitarfélaga, skipt eftir sveitarfélögum?
2. Hver er fjöldi félagslegra leiguíbúða í eigu sveitarfélaga, skipt eftir sveitarfélögum, á hverja 1.000 íbúa?
3. Hver er fjöldi félagslegra leiguíbúða í eigu sveitarfélaga, skipt eftir sveitarfélögum, sem hlutfall af heildarfjölda íbúða í viðkomandi sveitarfélagi?
Það er ákveðnum vandkvæðum bundið að ákvarða svo vel sé fjölda félagslegra íbúða í eigu sveitarfélaga og upplýsingum sem Húsnæðis- og mannvirkjastofnun (HMS) hefur aðgang að ber ekki alltaf saman eftir því út frá því hvaða forsendum þær eru skoðaðar. Helgast það m.a. af því að fyrirkomulag eignarhalds er mjög mismunandi, þar sem sum sveitarfélög eiga íbúðirnar sjálf, önnur eiga eða reka leigufélög í ólíkum félagaformum, svo sem sjálfseignarstofnunum, hlutafélögum og húsnæðissjálfseignarstofnunum. Sum sveitarfélög eru með blandað fyrirkomulag, þar sem þau eiga hluta íbúðanna sjálf en leigja einnig íbúðir af öðrum óhagnaðardrifnum leigufélögum og framleigja til skjólstæðinga sinna.
Þá er einnig misjafnt hvernig sveitarfélögin flokka íbúðir sem notaðar eru fyrir ólíka hópa. Mismunandi er hvort íbúðir eru einungis notaðar fyrir skjólstæðinga félagsþjónustu eða hvort þær standa einnig til boða öðrum íbúum eða starfsmönnum sveitarfélagsins.
Hér að neðan er að finna upplýsingar úr leiguskrá HMS annars vegar og hins vegar úr húsnæðisáætlunum sveitarfélaga. Upplýsingar eru birtar með þeim fyrirvara að skráningarskylda leigusamninga tók gildi 1. janúar 2024. Því gætu félagslegar leiguíbúðir verið vantaldar í einhverjum tilvikum ef sveitarfélög hafa ekki gefið upp leigusamninga sem tóku gildi fyrir þann tíma.
Í eftirfarandi töflu má sjá fjölda leiguíbúða sem eru í eigu sveitarfélaga eða leigufélaga á vegum þeirra og hafa leigusamning í leiguskrá HMS, eftir sveitarfélögum. Þar má einnig finna fjölda fyrrgreindra íbúða á hverja 1.000 íbúa, samkvæmt mannfjöldatölum Hagstofu, og sem hlutfall af heildarfjölda fullbúinna íbúða í hverju sveitarfélagi samkvæmt fasteignaskrá.
| Sveitarfélag | Leiguíbúðir á vegum sveitarfélaga | Leiguíbúðir á vegum sveitarfélaga á hverja 1.000 íbúa | Hlutfall af fullbúnum íbúðum |
| Reykjavíkurborg | 3.197 | 23 | 5% |
| Kópavogsbær | 503 | 13 | 3% |
| Hafnarfjarðarkaupstaður | 368 | 12 | 3% |
| Akureyrarbær | 319 | 16 | 4% |
| Reykjanesbær | 259 | 12 | 3% |
| Ísafjarðarbær | 65 | 17 | 4% |
| Skagafjörður | 77 | 18 | 4% |
| Múlaþing | 60 | 11 | 3% |
| Garðabær | 57 | 3 | 1% |
| Mosfellsbær | 52 | 4 | 1% |
| Vestmannaeyjabær | 45 | 10 | 2% |
| Akraneskaupstaður | 40 | 5 | 1% |
| Norðurþing | 30 | 10 | 2% |
| Fjarðabyggð | 29 | 6 | 1% |
| Suðurnesjabær | 28 | 7 | 2% |
| Húnaþing vestra | 26 | 22 | 4% |
| Sveitarfélagið Ölfus | 23 | 8 | 2% |
| Borgarbyggð | 22 | 5 | 1% |
| Snæfellsbær | 22 | 13 | 3% |
| Fjallabyggð | 19 | 10 | 2% |
| Húnabyggð | 18 | 13 | 3% |
| Sveitarfélagið Árborg | 73 | 6 | 1% |
| Sveitarfélagið Skagaströnd | 15 | 32 | 7% |
| Hrunamannahreppur | 14 | 15 | 4% |
| Seltjarnarnesbær | 13 | 3 | 1% |
| Grundarfjarðarbær | 12 | 15 | 3% |
| Bolungarvíkurkaupstaður | 10 | 10 | 2% |
| Vesturbyggð | 9 | 7 | 2% |
| Dalvíkurbyggð | 16 | 8 | 2% |
| Eyjafjarðarsveit | 9 | 8 | 2% |
| Langanesbyggð | 9 | 16 | 3% |
| Mýrdalshreppur | 8 | 8 | 3% |
| Skaftárhreppur | 8 | 13 | 3% |
| Rangárþing eystra | 7 | 3 | 1% |
| Hveragerðisbær | 7 | 2 | 1% |
| Bláskógabyggð | 7 | 5 | 1% |
| Stykkishólmsbær | 6 | 5 | 1% |
| Súðavíkurhreppur | 6 | 29 | 5% |
| Vopnafjarðarhreppur | 6 | 9 | 2% |
| Sveitarfélagið Hornafjörður | 11 | 4 | 1% |
| Rangárþing ytra | 6 | 3 | 1% |
| Þingeyjarsveit | 8 | 6 | 1% |
| Strandabyggð | 4 | 10 | 2% |
| Grýtubakkahreppur | 4 | 10 | 3% |
| Sveitarfélagið Vogar | 3 | 2 | 0% |
| Grímsnes- og Grafningshreppur | 3 | 5 | 1% |
| Árneshreppur | 1 | 17 | 2% |
| Hörgársveit | 1 | 1 | 0% |
| Kjósarhreppur | – | 0 | 0% |
| Grindavíkurbær | – | 0 | 0% |
| Skorradalshreppur | – | 0 | 0% |
| Hvalfjarðarsveit | – | 0 | 0% |
| Eyja- og Miklaholtshreppur | – | 0 | 0% |
| Dalabyggð | – | 0 | 0% |
| Reykhólahreppur | – | 0 | 0% |
| Kaldrananeshreppur | – | 0 | 0% |
| Svalbarðsstrandarhreppur | – | 0 | 0% |
| Tjörneshreppur | – | 0 | 0% |
| Fljótsdalshreppur | – | 0 | 0% |
| Ásahreppur | – | 0 | 0% |
| Skeiða- og Gnúpverjahreppur | – | 0 | 0% |
| Flóahreppur | – | 0 | 0% |
