Ferill 19. máls. Aðrar útgáfur af skjalinu: PDF - Word Perfect.
156. löggjafarþing 2025.
Þingskjal 19 — 19. mál.
Fyrirspurn
til innviðaráðherra um þyrluflug á vegum einkaaðila og einkaþotur á Reykjavíkurflugvelli.
Frá Rögnu Sigurðardóttur.
1. Hver hefur fjöldi þyrlufluga á einkaþyrlum og í útsýnisflugi frá Reykjavíkurflugvelli verið á ári hverju sl. tíu ár?
2. Hvenær hefst þyrluflug á vegum einkaaðila að morgni frá Reykjavíkurflugvelli og hvenær lýkur því að kvöldi?
3. Hvaða hljóðmælingar hafa verið gerðar á þyrluflugi á vegum einkaaðila frá Reykjavíkurflugvelli?
4. Hvernig hefur verið brugðist við kröfu Kópavogsbæjar, Reykjavíkurborgar og íbúa þessara sveitarfélaga um að þyrluflugi á vegum einkaaðila verði fundinn annar staður?
5. Hver ber ábyrgð á því að finna þyrluflugi á vegum einkaaðila annan stað ef þess gerist þörf?
6. Hvað hafa margar einkaþotur lent á Reykjavíkurflugvelli á ári hverju sl. tíu ár?
7. Hvað greiða einkaþotur fyrir stæði á Reykjavíkurflugvelli á hverjum sólarhring?
8. Hvaða hljóðmælingar hafa verið gerðar á flugi einkaþotna við Reykjavíkurflugvöll?
9. Hvaða reglur gilda um einkaþotur á Reykjavíkurflugvelli, hvernig er þeim framfylgt og hver framfylgir þeim?
10. Standa lög eða reglugerðir um Reykjavíkurflugvöll í vegi fyrir því að einkaþotum sé vísað á Keflavíkurflugvöll til lendingar í stað Reykjavíkurflugvallar?
Skriflegt svar óskast.
