Ferill 983. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 1732 — 983. mál.
Svar
innviðaráðherra við fyrirspurn frá Gísla Rafni Ólafssyni um bifhjól.
1. Eru ákvæði í lögum eða reglugerðum sem takmarka möguleika eigenda bifhjóla á að skila inn skráningarnúmerum tímabundið og þar með fella niður skyldu um ábyrgðartryggingu ökutækis og eftir atvikum slysatryggingu?
Í 14. gr. reglugerðar um skráningu ökutækja, nr. 751/2003, með áorðnum breytingum, segir að óski eigandi ökutækis þess að taka ökutæki tímabundið úr notkun skuli hann senda tilkynningu þess efnis til Samgöngustofu sem skrái ökutækið úr umferð í ökutækjaskrá og sé notkun þess þá óheimil. Hvorki í framangreindri reglugerð né umferðarlögum er að finna takmarkanir á heimildum til að skrá ökutæki tímabundið úr notkun.
Að öðru leyti fer um ökutækjatryggingar samkvæmt lögum þar um, þ.e. lögum nr. 30/2019, sem heyra undir fjármála- og efnahagsráðuneyti samkvæmt aa-lið 8. tölul. 1. mgr. 4. gr. forsetaúrskurðar um skiptingu stjórnarmálefna milli ráðuneyta í Stjórnarráði Íslands.
2. Hversu mörg bifhjól eru skráð á landinu?
Í meðfylgjandi töflum er að finna fjölda hjóla á skrá eftir ökutækjaflokkum. Tafla 1 inniheldur öll nýskráð hjól og tafla 2 sýnir hjól sem skráð voru í umferð í mars 2024.
Tafla 1
| Ökutæki á skrá | Fjöldi ökutækja |
| Bifhjól (L3e) | 9696 |
| Bifhjól (L4e) | 28 |
| Bifhjól (L5e) | 33 |
| Bifhjól (L6e) | 49 |
| Bifhjól (L7e) | 2475 |
| Létt bifhjól (L1e) | 2664 |
| Létt bifhjól (L2e) | 38 |
| Létt bifhjól (L6e) | 26 |
| Torfæruhjól I | 4585 |
| Torfæruhjól II | 101 |
| Torfæruhjól III | 70 |
| Torfæruhjól IV | 2894 |
| Torfæruhjól V | 734 |
| Samtals | 23.393 |
Tafla 2
| Fjöldi ökutækja á skrá og í umferð | Fjöldi ökutækja |
| Bifhjól (L3e) | 4515 |
| Bifhjól (L4e) | 9 |
| Bifhjól (L5e) | 12 |
| Bifhjól (L6e) | 14 |
| Bifhjól (L7e) | 1398 |
| Létt bifhjól (L1e) | 346 |
| Létt bifhjól (L2e) | 34 |
| Létt bifhjól (L6e) | 15 |
| Torfæruhjól I | 949 |
| Torfæruhjól II | 48 |
| Torfæruhjól III | 21 |
| Torfæruhjól IV | 1660 |
| Torfæruhjól V | 505 |
| Samtals | 9.526 |
3. Hversu mörg bifhjól eru afskráð tímabundið á hverju ári?
Ekki er haldin skrá yfir það hversu mörg ökutæki eru skráð úr umferð eftir árum aftur í tímann.
4. Hversu margir eru með gild ökuréttindi á bifhjól, skipt eftir flokkum?
Fjöldi einstaklinga með bifhjólaréttindi á íslenskum ökuskírteinum samkvæmt ökuskírteinakerfi er sýndur í töflu 3. AM-réttindi er hægt að taka 15 ára, en þau fylgja síðan B-réttindum, þannig að allir sem eru með bílpróf hafa einnig AM-réttindi.
Tafla 3
| Flokkar ökuskírteina | Fjöldi gildra ökuskírteina |
| A | 25.077 |
| A1 | 223 |
| A2 | 491 |
| AM | 641 |
| Samtals | 26.432 |
