Ferill 894. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 1333 — 894. mál.
Fyrirspurn
til dómsmálaráðherra um spilakassa.
Frá Birni Leví Gunnarssyni.
1. Hverjar voru brúttótekjur Íslandsspila sf. og Happdrættis Háskóla Íslands (HHÍ) af spilakössum árin 2020, 2021, 2022 og 2023, að frádregnum vinningum?
2. Hver voru heildarrekstrargjöld hvors fyrirtækis hvert þessara ára, og hve stór hluti rekstrargjalda rann annars vegar til kaupa og hins vegar til leigu á spilakössum?
3. Af hvaða aðilum hafa spilakassar, annars vegar HHÍ og hins vegar Íslandsspila, verið keyptir eða leigðir þessi ár?
4. Hversu oft hefur verið farið til útlanda á sölusýningar spilakassafyrirtækja á þessum árum, hver er heildarkostnaður vegna utanlandsferðanna, annars vegar HHÍ og Íslandsspila hins vegar, og hver hefur greitt þann kostnað?
5. Hver voru heildarútgjöld fyrirtækjanna til umboðsaðila þar sem spilakassarnir eru starfræktir?
6. Hverjar voru heildarvinningsfjárhæðir hvors fyrirtækis hvert þessara ára og hve stór hluti var raunverulega greiddur út í peningum, af umboðsaðilum annars vegar, og af fyrirtækjunum sjálfum, HHÍ og Íslandsspilum, hins vegar?
7. Hver voru heildarframlög hvors fyrirtækis vegna nýrra leikja eða spilakassa þessi ár til:
a. forvarna, og þá hvaða forvarnaverkefna, og hverjir fengu framlag,
b. meðferða og þá hvaða meðferða, og hverjir fengu framlag,
c. auglýsinga og markaðsmála, og á hvaða miðlum var auglýst?
8. Hversu margir spilakassar eru í rekstri annars vegar hjá HHÍ og hins vegar Íslandsspilum?
9. Hvar eru spilakassar staðsettir og hversu margir spilakassar eru í rekstri á hverjum stað fyrir sig?
10. Hversu hátt er vinningshlutfall spilakassanna annars vegar hjá HHÍ og hins vegar hjá Íslandsspilum? Útreikningar óskast sundurliðaðir.
11. Hver bar ábyrgð á eftirfylgni með framkvæmd laga um spilakassa á árunum 2020–2023?
12. Hverjar voru niðurstöður úttekta á þessum árum á þeim atriðum sem fylgjast skal með, eins og vinningshlutfalli?
13. Eru einhverjir af spilakössum HHÍ eða Íslandsspila með sjálfspilun (e. auto play)?
Skriflegt svar óskast.
