Ferill 859. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 1800 — 859. mál.
Svar
háskóla-, iðnaðar- og nýsköpunarráðherra við fyrirspurn frá Berglindi Ósk Guðmundsdóttur um nefndir á vegum ráðuneytisins og kostnað vegna þeirra.
Fyrirspurnin hljóðar svo:
1. Hverjar eru lögbundnar nefndir á vegum ráðuneytisins og hver hefur árlegur kostnaður við hverja þeirra verið frá 2021?
2. Hvaða aðra starfshópa og nefndir hefur ráðherra sett á laggirnar og hver hefur árlegur kostnaður við hverja þeirra verið frá 2021?
3. Hefur ráðherra skoðað að leggja niður nefndir? Ef svo er, hvaða nefndir?
| Heiti nefndar | Lagagrundvöllur | Kostnaður í kr. 2022* | Kostnaður í kr. 2023 |
| Áfrýjunarnefnd hugverkaréttinda á sviði iðnaðar | 2. mgr. 7. gr. laga um einkaleyfi, nr. 17/1991; 2. mgr. 63. gr. laga um vörumerki, nr. 45/1997, sbr. reglugerð nr. 275/2008. | 949.430** | 8.365.105 |
| Áfrýjunarnefnd í kærumálum háskólanema | 20. gr. laga um háskóla, nr. 63/2006, sbr. reglugerð nr. 550/2020. | 3.620.786 | 3.139.571 |
| Gæðaráð með gæðum kennslu og rannsókna við íslenska háskóla | 11. gr. laga um háskóla, nr. 63/2006, sbr. reglur nr. 1368/2018. | 66.455.72 | 45.513.601 |
| Málskotsnefnd Menntasjóðs námsmanna | 32. gr. laga um Menntasjóð námsmanna, nr. 60/2020. | 3.615.940 | 7.293.537 |
| Nefnd um vandaða starfshætti í vísindum | 5. gr. laga um vandaða starfshætti í vísindum, nr. 70/2019. | Hefur ekki tekið til starfa. | Hefur ekki tekið til starfa. |
| Netöryggisráð | 2. mgr. 4. gr. laga um öryggi net- og upplýsingakerfa mikilvægra innviða, nr. 78/2019, sbr. reglugerð nr. 1720/2023.*** | 0 | 0 |
| Úrskurðarnefnd fjarskipta- og póstmála | 20. gr. laga um Fjarskiptastofu, nr. 75/2021. | 10.976.267 | 4.685.757 |
** Kostnaður vegna áfrýjunarnefndar hugverkaréttinda á sviði iðnaðar færðist til ráðuneytisins frá og með desember 2022.
*** Ráðherra skipaði nýtt netöryggisráð til þriggja ára frá 22. apríl 2023 á grundvelli nýrrar reglugerðar um ráðið, nr. 1720/2023, þar sem fulltrúum var fækkað úr þrettán í sjö.
Ráðherra hefur ekki sett aðra starfshópa og nefndir á laggirnar. Því hefur ekki verið stofnað til neins kostnaðar í ráðuneytinu vegna ólögbundinna nefnda eða starfshópa.
Til umræðu hefur komið á milli ráðuneyta og háskóla að sameina í eina nefnd þær þrjár nefndir sem starfa að siðferðilegum álitaefnum í vísindum, þ.e. nefnd um vandaða starfshætti í vísindum, vísindasiðanefnd, siðanefnd háskólanna um vísindarannsóknir og siðanefnd Háskóla Íslands. Ákvörðun um slíka sameiningu er þó háð afstöðu annarra ráðuneyta og stofnana.
