Ferill 720. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 1921 — 720. mál.
Svar
heilbrigðisráðherra við fyrirspurn frá Gísla Rafni Ólafssyni um sjúkraflutninga.
Fyrirspurnin hljóðar svo:
1. Hver hefur verið meðalbiðtími eftir sjúkrabíl, sundurliðað eftir póstnúmeri og ári frá árinu 2010 til ársins í ár?
2. Hver hefur verið lengsti biðtími eftir sjúkrabíl, sundurliðað eftir póstnúmeri og ári frá árinu 2010 til ársins í ár?
3. Hversu margar sjúkraflutningaáhafnir hafa verið á vakt, sundurliðað eftir slökkvistöð, vakt og ári frá árinu 2010 til ársins í ár?
Umbeðnar upplýsingar um meðalbiðtíma og lengsta biðtíma liggja ekki fyrir innan stofnana heilbrigðisráðuneytis. Samkvæmt upplýsingum frá Neyðarlínunni ohf. sem heyrir undir dómsmálaráðuneytið, og heldur utan um skráningar sjúkraflutninga á landsvísu, eru slíkar upplýsingar ekki aðgengilegar. Að þeirra mati er það jafnframt varasöm leið að ætla að meta viðbragð sjúkraflutninga með því skoða meðalbiðtíma fyrir stærri landsvæði. Gögn sjúkraflutninga eru mjög háð miðsækni og því er hætt við að útköll í þéttbýli stærri póstnúmeraumdæma dragi meðaltalið niður og sýni því ekki rétta mynd af lengri útköllum.
Áhafnir sjúkraflutninga eru að stórum hluta samreknar með vöktum slökkviliða. Sjúkratryggingar Íslands eru samningsaðilar um sjúkraflutninga við þrjú stærstu slökkvilið landsins, Slökkvilið höfuðborgarsvæðis, Slökkvilið Akureyrar og Brunavarnir Suðurnesja. Hjá Sjúkratryggingum Íslands liggja ekki fyrir í þeirra gögnum upplýsingar um vaktalínur sjúkraflutningaáhafna niður á slökkvistöð eða vaktir síðastliðin 14 ár.
