Ferill 583. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 824 — 583. mál.
2. umræða.
Nefndarálit
um frumvarp til laga um breytingu á lögum um almennar íbúðir og lögum um húsnæðismál (almennar íbúðir vegna náttúruhamfara í Grindavíkurbæ).
Frá velferðarnefnd.
Nefndin hefur fjallað um frumvarp það sem meiri hluti velferðarnefndar hefur lagt fram. Nefndin fékk á sinn fund gesti frá almannavarnadeild ríkislögreglustjóra og Rauða krossinum á Íslandi. Þá hefur Samband íslenskra sveitarfélaga lýst því yfir að það styðji að frumvarpið nái fram að ganga.
Markmið frumvarpsins er að mæta húsnæðisþörf Grindvíkinga sem rýma þurftu heimili sín vegna jarðhræringa í Grindavíkurbæ.
Nefndin áréttar mikilvægi þess að frumvarpið nái fram að ganga til að tryggja Grindvíkingum húsnæði til leigu meðan á almannavarnaástandi og rýmingu stendur og lengur ef þörf krefur.
Guðbrandur Einarsson, áheyrnarfulltrúi í nefndinni, er samþykkur áliti þessu.
Nefndin leggur til að frumvarpið verði samþykkt óbreytt.
Alþingi, 15. desember 2023.
| Bjarkey Olsen Gunnarsdóttir, form., frsm. |
Líneik Anna Sævarsdóttir. | Lilja Rannveig Sigurgeirsdóttir. |
| Ásmundur Friðriksson. | Bryndís Haraldsdóttir. | Guðmundur Ingi Kristinsson. |
| Óli Björn Kárason. | Jóhann Páll Jóhannsson. | Gísli Rafn Ólafsson. |
