Ferill 559. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 694 — 559. mál.
Fyrirspurn
til menningar- og viðskiptaráðherra um tilkynningarskylda útlánaþjónustu og neytendalán.
Frá Kára Gautasyni.
1. Hvert var umfang lánveitinga þeirra aðila sem stunda tilkynningarskylda útlánaþjónustu sbr. lög um neytendalán, nr. 33/2013, síðastliðin þrjú ár? Svar óskast sundurliðað eftir aðilum, meðallánsfjárhæðum hjá hverjum aðila, heildarútlánsfjárhæðum hvers aðila og aldri lántakenda eftir aldurshópum.
2. Hver voru vanskil á lánum aðila sem stunda tilkynningarskylda útlánaþjónustu samkvæmt lögum um neytendalán, gert upp eftir aðilum og árum síðastliðin þrjú ár?
3. Er ráðherra kunnugt um eftirlitsskyld fjármálafyrirtæki, sbr. lög nr. 129/1997 eða lög nr. 161/2002, sem eiga virka eignarhluti í aðilum eða móðurfélögum aðila sem spurt er um í 1. tölul.? Ef svo er, hvaða fjármálafyrirtæki eiga virka eignarhluti í hvaða tilkynningarskyldu aðilum?
Skriflegt svar óskast.
