Ferill 198. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 556 — 198. mál.
Svar
innviðaráðherra við fyrirspurn frá Gísla Rafni Ólafssyni um skatttekjur sveitarfélaga vegna stóriðju og sjókvíaeldis.
Fyrirspurnin hljóðar svo:
1. Hversu hátt hlutfall af skatttekjum sveitarfélaga má rekja til stóriðju frá árinu 2000, sundurliðað eftir árum og sveitarfélögum?
2. Hversu hátt hlutfall af skatttekjum sveitarfélaga má rekja til sjókvíaeldis frá árinu 2000, sundurliðað eftir árum og sveitarfélögum?
Ráðuneytið hefur átt í samskiptum við Samband íslenskra sveitarfélaga og Skattinn vegna fyrirspurnarinnar ásamt því að leita upplýsinga hjá Hagstofu Íslands. Samkvæmt upplýsingum frá Skattinum er hugtakið stóriðja ekki sérstaklega skilgreint í atvinnugreinaflokkun Hagstofunnar og því ekki skýrt um hvað nákvæmlega ræðir. Fyrirtæki greiða tekjuskatt og tryggingagjald og skila staðgreiðslu af launum til starfsmanna sinna. Því þyrfti að meta sérstaklega útsvarshlutann sem einstaklingar greiða til sveitarfélags. Niðurstaðan er sú að þessar upplýsingar eru ekki aðgengilegar og því ekki hægt að gefa efnislegt svar við fyrirspurninni. Er því rétt að beina henni beint til sveitarfélaganna.
