Ferill 1063. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 1794 — 1063. mál.
Svar
háskóla-, iðnaðar- og nýsköpunarráðherra við fyrirspurn frá Indriða Inga Stefánssyni um ávinning
sjálfvirknivæðingar og gervigreindar.
Fyrirspurnin hljóðar svo:
Hefur farið fram vinna í ráðuneytinu til að tryggja að eðlilegur hluti þess ávinnings sem verður af fyrirséðu hagræði vegna gervigreindar annars vegar og sjálfvirknivæðingar hins vegar skili sér til almennings? Ef svo er ekki, stendur það til?
Já, slík vinna er í gangi í ráðuneytinu þar sem unnið er að gerð aðgerðaáætlunar gervigreindar. Í áætluninni verður meðal annars vikið að framþróun í ríkisrekstri til að nýta kosti sjálfvirknivæðingar og gervigreindar. Markmið þeirra aðgerða er að auka verðmætasköpun sem leiði til bættra lífskjara almennings, að stuðla að betri þjónustu við borgarana, áhrifaríkari notkun gagna og auðlinda og skilvirkari notkun opinberra fjármuna, með tilheyrandi ávinningi fyrir almenning.
Samkvæmt a-lið 4. tölul. 4. gr. forsetaúrskurðar um skiptingu stjórnarmálefna í Stjórnarráði Íslands, nr. 6/2022, fer fjármála- og efnahagsráðuneyti með skattamál, þ.m.t. skattalegt umhverfi fyrirtækja vegna mögulegrar hagræðingar sem kann að skapast af aukinni sjálfvirkni. Háskóla-, iðnaðar- og nýsköpunarráðherra hefur beitt sér ötullega fyrir eflingu nýsköpunar, m.a. í heilbrigðiskerfinu þar sem eru fjölmörg tækifæri til að bæta hag almennings með innleiðingu gervigreindar og sjálfvirknivæðingar.
