Ferill 1035. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 1926 — 1035. mál.
Síðari umræða.
Breytingartillaga
við tillögu til þingsályktunar um fjármálaáætlun fyrir árin 2025–2029.
Frá 3. minni hluta fjárlaganefndar (EÁ).
1. Við töfluna Rekstraryfirlit fyrir ríkissjóð (A1-hluta) árin 2025–2029. Eftirfarandi liðir breytist sem hér segir:
a. Liðurinn Skatttekjur hækki um 9 ma.kr. á ári.
b. Liðurinn Aðrar tekjur hækki um 7 ma.kr. á ári.
2. Við töfluna Heildarútgjöld málefnasviða árin 2025–2029 og töfluna Útgjaldarammar málefnasviða árin 2025–2029. Eftirfarandi liðir breytist sem hér segir:
a. Liðurinn 23 Sjúkrahúsþjónusta hækki um 3 ma.kr. á ári.
b. Liðurinn 25 Hjúkrunar- og endurhæfingarþjónusta hækki um 2 ma.kr. á ári.
c. Liðurinn 27 Örorka og málefni fatlaðs fólks hækki um 10,1 ma.kr. árið 2025.
d. Liðurinn 31 Húsnæðis- og skipulagsmál hækki um 2 ma.kr. á ári.
Greinargerð.
Í 2. tölul. eru lagðar til nokkrar breytingar á útgjaldaramma fjögurra málefnasviða á gjaldahlið:
Í a-lið er lagt til að framlög á málefnasviði 23 hækki um 3 ma.kr. á ársgrundvelli til að efla heilbrigðisþjónustu.
Í b-lið er lagt til að framlög á málefnasviði 25 hækki um 2 ma.kr. á ársgrundvelli til að efla megi endurhæfingarúrræði vegna fíknisjúkdóma.
Í c-lið er lagt til að hækkun framlaga á málefnasviði 27 komi til framkvæmda frá og með 1. janúar 2025, en verði ekki frestað til 1. september líkt og ríkisstjórnin gerir ráð fyrir.
Í d-lið er lagt til að framlög á málefnasviði 31 hækki um 2 ma.kr. á ársgrundvelli til að efla frekar uppbyggingu íbúðarhúsnæðis.
