Ferill 1030. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 2035 — 1030. mál.
Svar
utanríkisráðherra við fyrirspurn frá Berglindi Ósk Guðmundsdóttur um kostnað við auglýsingagerð, kynningarmál, viðburði og ráðstefnur.
1. Hver var kostnaður ráðuneytisins við auglýsingagerð og kynningarmál árin 2022 og 2023? Svar óskast sundurliðað eftir auglýsingaherferðum.
Í svari er tekinn saman heildarkostnaður vegna auglýsingagerðar og kynningarmála auk hönnunar- og birtingarkostnaðar á árunum 2022 og 2023. Einnig er tekinn með kostnaður vegna auglýsingaherferða, viðburða og ráðstefna auk atvinnuauglýsinga.
Kostnaður er sundurliðaður eftir fjárlagaliðum utanríkisráðuneytisins auk þess sem stærri kostnaðarliðum eru gerð frekari skil. Minni kostnaður og óskilgreindur er flokkaður sem „annað“ þar sem við á.
Lögbundnar birtingar í Stjórnartíðindum og Lögbirtingablaðinu eru undanskildar.
Þá er einnig undanskilinn kostnaður vegna leiðtogafundar Evrópuráðsins árið 2023 sem gjaldfærðist af tveimur fjárlagaliðum; annars vegar á Ýmis verkefni (03-190) og Sendiráð Íslands (03-300), vegna kostnaðar sem féll til á Íslandi og hjá fastanefnd Íslands í Strassborg. Hvað kostnað við þann fund varðar er vísað í svar utanríkisráðherra við fyrirspurn frá Ingu Sæland um kostnað við leiðtogafund Evrópuráðsins, sbr. þskj. 1106 á 154. löggjafarþingi (623. mál).
| 2022 | 2023 | |
| Aðalskrifstofa (03-101) – samtals | 468.898 | 269.430 |
| Fréttaannáll utanríkisráðuneytisins | 186.000 | – |
| Atvinnuauglýsingar | 78.574 | – |
| Plast á norðurslóðum | – | 161.450 |
| Annað | 204.324 | 107.980 |
| Ýmis verkefni (03-190) – samtals | 47.740 | 10.000 |
| Opinn fundur um stefnu Íslands í málefnum norðurslóða | 47.740 | – |
| Auglýsingar á samfélagsmiðlum | – | 10.000 |
| Öryggis- og varnarmál (03-213) – samtals | – | – |
| Sendiráð Íslands (03-300) – samtals | 449.609 | 266.358 |
| Auglýsingar sendiskrifstofa (þ.m.t. á samfélagsmiðlum) | 449.609 | 190.358 |
| IDAHOT+ Forum (samráðsfundur á Íslandi) | – | 76.000 |
| Alþjóðleg þróunarsamvinna (03-390) – samtals | 7.991.879 | 2.059.783 |
| Heimsmarkmiðasjóður atvinnulífsins – 7. úthlutun | 619.400 | – |
| Heimsmarkmiðasjóður atvinnulífsins – 8. úthlutun | 942.400 | – |
| Heimsmarkmiðasjóður atvinnulífsins – 9. úthlutun | 1.401.200 | – |
| Heimsmarkmiðasjóður atvinnulífsins – annar kostnaður | 244.000 | – |
| GRÓ – þekkingarmiðstöð þróunarsamvinnu | 224.622 | 500.000 |
| Samstarf um miðlun frétta Heimsljóss um þróunarsamvinnu | 1.000.000 | – |
| Auglýsingar um kynningar- og fræðslustyrki í þróunarsamvinnu | 659.792 | – |
| Auglýsingar á samfélagsmiðlum | 37.498 | – |
| Kynningarefni vegna nýs samstarfsverkefnis í Nkhotakota | 817.244 | |
| Kynningarefni vegna jafnréttisviðburðar með þingmönnum í Malaví | 159.952 | |
| Gerð kynningarmyndbanda vegna samstarfsverkefna í Malaví | 698.168 | |
| Gerð upplýsingaskilta í Mangochi-héraði í Malaví | 1.267.475 | – |
| Ýmis auglýsinga- og kynningarkostnaður á sendiskrifstofum í tvíhliða þróunarsamvinnu | 618.296 | 791.865 |
| Kvennanefndarfundur Sþ í New York | – | 69.750 |
| Samtals heildarkostnaður ráðuneytisins | 8.958.126 | 6.075.643 |
2. Hvernig skiptist birtingarkostnaður ráðuneytisins eftir innlendum og erlendum miðlum árin 2022 og 2023?
Í svari er tekinn saman heildarkostnaður vegna birtinga á auglýsingum í prent-, vef- og samfélagsmiðlum, greindur eftir innlendum og erlendum birtingum, sundurliðað á fjárlagaliði utanríkisráðuneytisins.
Einnig er tekinn með kostnaður vegna auglýsingaherferða, viðburða og ráðstefna auk atvinnuauglýsinga. Kostnaður vegna lögbundinna birtinga í Stjórnartíðindum og Lögbirtingablaðinu er undanskilinn. Eftirfarandi kostnaður er einnig tiltekinn í svari við 1. tölul.
Allur birtingarkostnaður ráðuneytisins á fjárlagaliðum 03-101 (Aðalskrifstofa), 03-190 (Ýmis verkefni) og 03-213 (Varnarmál) fellur til innan lands. Skipting kostnaðar á fjárlagaliði 03-300 (Sendiráð Íslands) og 03-390 (Alþjóðleg þróunarsamvinna) færist samkvæmt töflu hér að aftan.
| 2022 | 2023 | |
| Aðalskrifstofa (03-101) – samtals | 275.648 | 209.910 |
| Innlendir miðlar | 275.648 | 209.910 |
| Erlendir miðlar | – | – |
| Ýmis verkefni (03-190) – samtals | 47.740 | 503.396 |
| Innlendir miðlar | 47.740 | 503.396 |
| Erlendir miðlar | – | – |
| Öryggis- og varnarmál (03-213) – samtals | – | – |
| Innlendir miðlar | – | – |
| Erlendir miðlar | – | – |
| Sendiráð Íslands (03-300) – samtals | 544.545 | 187.913 |
| Innlendir miðlar | – | – |
| Erlendir miðlar | 544.545 | 187.913 |
| Alþjóðleg þróunarsamvinna (03-390) – samtals | 5.760.074 | 456.472 |
| Innlendir miðlar | 5.201.112 | – |
| Erlendir miðlar | 558.962 | 456.472 |
3. Hver var kostnaður ráðuneytisins við viðburði og ráðstefnur árin 2022 og 2023?
Í svari er tekinn saman heildarkostnaður við viðburði og ráðstefnur á vegum utanríkisráðuneytisins, sundurliðað á fjárlagaliði ráðuneytisins, og kann að innihalda kostnað sem hefur verið tilgreindur í svari við 1. og 2. tölul. fyrirspurnarinnar. Við þær tölur bætist svo kostnaður vegna viðburðarhaldsins sjálfs, svo sem leiga á húsnæði, streymi, viðburðarstjórnun, myndataka og veitingar.
Undanskildir í svarinu eru lokaðir fundir á vegum ráðuneytisins. Þá er einnig undanskilinn kostnaður vegna leiðtogafundar Evrópuráðsins árið 2023 sem gjaldfærðist af tveimur fjárlagaliðum; annars vegar á Ýmis verkefni (03-190) og Sendiráð Íslands (03-300), vegna kostnaðar sem féll til á Íslandi og hjá fastanefnd Íslands í Strassborg. Hvað kostnað við þann fund varðar er vísað í svar utanríkisráðherra við fyrirspurn frá Ingu Sæland um kostnað við leiðtogafund Evrópuráðsins, sbr. þskj. 1106 á 154. löggjafarþingi (623. mál).
| 2022 | 2023 | |
| Aðalskrifstofa (03-101) | 9.637.500 | 8.630.274 |
| Ýmis verkefni (03-190) | 934.255 | 17.663.350 |
| þar af ráðstefnan Plast á norðurslóðum | 14.017.046 | |
| Sendiráð Íslands – sameiginlegur liður (03-300) | 13.548.984 | 17.070.477 |
| Öryggis- og varnarmál (03-213) | – | – |
| Alþjóðleg þróunarsamvinna (03-390) | 1.039.994 | 6.358.848 |
| Samtals kostnaður ráðuneytisins | 25.160.733 | 49.722.949 |
Alls fóru 30 klukkustundir í vinnslu svarsins.
