Ferill 1020. máls. Aðrar útgáfur af skjalinu: PDF - Word Perfect.
154. löggjafarþing 2023–2024.
Þingskjal 1678 — 1020. mál.
Svar
fjármála- og efnahagsráðherra við fyrirspurn frá Diljá Mist Einarsdóttur um stöðugildi hjá Framkvæmdasýslunni – Ríkiseignum.
1. Hversu mörg stöðugildi voru hjá Framkvæmdasýslunni og Ríkiseignum fyrir sameiningu stofnananna árið 2021?
2. Hver hefur verið þróun stöðugilda hjá Framkvæmdasýslunni – Ríkiseignum frá árinu 2021?
Við sameiningu voru samtals 67 starfsmenn hjá Framkvæmdasýslu Ríkisins og Ríkiseignum. Í árslok 2022 voru starfsmenn 74 talsins og í árslok 2023 voru einnig 74 í starfssambandi við stofnunina, þar af þrír tímabundið ráðnir og fjórir í leyfi. Í lok apríl 2024 eru 69 starfsmenn hjá stofnuninni, þar af tveir í leyfi. Ýmis tækifæri skapast við samruna stofnana til að bæta nýtingu fjármuna en í fjármálaáætlun fyrir árin 2025–2029, sem fjármála- og efnahagsráðherra lagði fram í apríl síðastliðnum, er lögð áhersla á að setja aukinn kraft í að yfirfara og endurmeta stofnanaskipulagið við rekstur opinberrar þjónustu. Með því að efla miðlæga þjónustu er hægt að hagræða innan stofnana og efla þær til að sinna sinni kjarnastarfsemi.
