Ferill 951. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 1485 — 951. mál.
Fyrirspurn
til félags- og vinnumarkaðsráðherra um uppbætur á lífeyri.
Frá Guðmundi Inga Kristinssyni.
1. Hve margar umsóknir hafa borist um uppbætur á lífeyri skv. 1. mgr. 9. gr. laga um félagslega aðstoð, nr. 99/2007, á ári hverju, undanfarin fjögur ár?
2. Hversu oft hefur verið fallist á umsóknir um uppbætur á lífeyri undanfarin fjögur ár og hvernig skiptast ákvarðanir um uppbætur eftir þeim tilefnum sem tilgreind eru í 1.–5. tölul. 2. mgr. 9. gr. reglugerðar nr. 1200/2018, um heimilisuppbót og uppbætur á lífeyri?
3. Hvernig meta stjórnvöld það hvort einstaklingur geti framfleytt sér án uppbótar á lífeyri?
4. Hver er meðalfjárhæð uppbóta skv. 1. mgr. 9. gr. laga um félagslega aðstoð, á ári hverju, undanfarin fjögur ár? Svar óskast sundurliðað eftir þeim tilefnum sem tilgreind eru í 1.–5. tölul. 2. mgr. 9. gr. reglugerðar nr. 1200/2018.
5. Hversu oft hafa stjórnvöld hafnað lífeyrisþegum um uppbætur á lífeyri vegna sjúkra- eða lyfjakostnaðar á undanförnum fjórum árum?
Skriflegt svar óskast.
