Ferill 813. máls. Aðrar útgáfur af skjalinu: PDF - Word Perfect.

153. löggjafarþing 2022–2023.
Þingskjal 1252  —  813. mál.



Fyrirspurn


til fjármála- og efnahagsráðherra um Sjómannaskólann við Háteigsveg.

Frá Eyjólfi Ármannssyni.


     1.      Stendur til að selja bygginguna sem kennd er við Sjómannaskólann og stendur við Háteigsveg?
     2.      Stendur til að ráðstafa byggingunni á annan hátt, svo sem með leigu, eða mun hún áfram verða nýtt til að hýsa kennslustofur Skipstjórnarskólans?
     3.      Mun ráðherra tryggja að Hollvinasamtök Sjómannaskóla Íslands, samtök sjómanna, skipstjórnarmanna og vélstjóra verði höfð með í ráðum um framtíð byggingarinnar?


Skriflegt svar óskast.

Greinargerð.

    Skólinn var vígður af ríkisstjóra Íslands, Sveini Björnssyni, við hátíðlega athöfn 4. júní 1944. Í ræðu sinni sagði ríkisstjórinn: „byggingunni er ætlað að eiga mikilvægan þátt í að halda merki íslenzku sjómannastéttarinnar hátt á lofti.“ Í hornstein skólans lagði ríkisstjórinn skjal sem á var letrað: „Hús þetta er reist yfir sérskóla sjómannastéttar Íslands, Stýrimannaskólann í Reykjavík, Vélskólann í Reykjavík og aðra vélfræðiskóla, loftskeytaskóla og skóla fyrir matsveina og nefnist Sjómannaskóli Íslands.“