Ferill 788. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 1204 — 788. mál.
Fyrirspurn
til fjármála- og efnahagsráðherra um málsmeðferð ríkisskattstjóra vegna álagningar og vanskila.
Frá Bergþóri Ólasyni.
1. Er sá tveggja mánaða frestur sem kveðið er á um í 5. mgr. 96. gr. laga um tekjuskatt, nr. 90/2003, almennt virtur í framkvæmd? Hver er meðalúrskurðartími hjá Skattinum síðustu fimm ár, þ.e. frá lokum þess frests sem hann hefur veitt skattaðila til að tjá sig um fyrirhugaðar breytingar á framtalsgögnum (sem eru 15 dagar) og þar til úrskurður er kveðinn upp?
2. Hversu háa upphæð hefur ríkisskattstjóri lagt á lögaðila undanfarin fimm ár vegna vanskila á greiðslum launatengdra gjalda, sundurliðað eftir árum? Annars vegar er spurt um fyrstu tíu dagana sem launagreiðslur eru í vanskilum og hins vegar gjöld vegna vanskila frá 11. degi.
Skriflegt svar óskast.
