Ferill 707. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 1561 — 707. mál.
Svar
fjármála- og efnahagsráðherra við fyrirspurn frá Ágústi Bjarna Garðarssyni um ökutækjatryggingar.
Fyrirspurnin hljóðar svo:
Hvernig hefur þróun tryggingaverndar og iðgjalda verið vegna ökutækja sem undanþegin eru vátryggingarskyldu skv. 11. gr., sbr. 9. gr., laga um ökutækjatryggingar, nr. 30/2019, frá því að lögin voru sett? Svar óskast sundurliðað eftir tryggingafélögum ásamt upplýsingum um iðgjöld og tryggingavernd vegna sömu ökutækja ári fyrir afnám tryggingarskyldu.
Við vinnslu svarsins óskaði ráðuneytið eftir upplýsingum frá Seðlabanka Íslands.
Undir 11. gr. laga um ökutækjatryggingar, nr. 30/2019, falla létt bifhjól í flokki I samkvæmt umferðarlögum og ökutæki sem eru eingöngu ætluð til aksturs utan vega eða í brautum og skráð eru sem torfærutæki.
Í svörum frá Seðlabankanum kom fram að hann býr ekki yfir upplýsingum til þess að svara fyrirspurninni. Til að unnt sé að svara henni hefði þurft að óska eftir gögnum frá tryggingafélögunum sjálfum.
