Ferill 436. máls. Aðrar útgáfur af skjalinu: PDF - Word Perfect.

---

153. löggjafarþing 2022–2023.

Prentað upp.

Þingskjal 1190  —  436. mál.

Svar

innviðaráðherra við fyrirspurn frá Hönnu Katrínu Friðriksson um íbúðarhúsnæði í eigu einstaklinga og lögaðila utan sveitarfélags eða svæðis.

     1.      Hversu mikið af íbúðarhúsnæði í hverju af eftirtöldum sveitarfélögum er annars vegar í eigu einstaklinga með heimilisfesti utan höfuðborgarsvæðisins og hins vegar í eigu lögaðila með skráð póstfang utan höfuðborgarsvæðisins:
                  a.      Reykjavík,
                  b.      Garðabæ,
                  c.      Hafnarfirði,
                  d.      Kópavogi,
                  e.      Mosfellsbæ,
                  f.      Seltjarnarnesbæ?
     2.      Hversu mikið af íbúðarhúsnæði á Akureyri er annars vegar í eigu einstaklinga með heimilisfesti utan -sveitarfélagsins og hins vegar í eigu lögaðila með skráð póstfang utan sveitarfélagsins?
     3.      Hvaða hlutfall er þetta af heildarfjölda íbúðarhúsnæðis í hverju framangreindra sveitarfélaga?
    Svör við 1.–3. tölul. fyrirspurnarinnar eru tekin saman í eftirfarandi töflu þar sem er að finna heildarfjölda íbúða í viðkomandi sveitarfélögum, fjölda í eigu einstaklinga eða lögaðila sem eru með skráða heimilisfesti eða póstfang utan svæðis og hlutfall þeirra af heildarfjölda.

Sveitarfélag	Heildarfjöldi íbúða	Fjöldi íbúða í eigu einstaklinga utan svæðis	Hlutfall	Fjöldi íbúða í eigu lögaðila utan svæðis	Hlutfall
Reykjavík	57.016	2.929	5,1%	850	1,5%
Kópavogur	14.797	729	4,9%	126	0,9%
Seltjarnarnes	1.728	63	3,6%	10	0,6%
Garðabær	6.652	208	3,1%	25	0,4%
Hafnarfjörður	10.553	248	2,4%	169	1,6%
Mosfellsbær	4.372	104	2,4%	28	0,6%
Akureyri	8.724	757	8,7%	685	7,9%

     4.      Hvert er verðmæti framangreinds íbúðarhúsnæðis samkvæmt fasteignamati í hverju sveitarfélagi fyrir sig?

Sveitarfélag	Heildarfasteignamat íbúða	Heildarfasteignamat íbúða í eigu einstaklinga utan svæðis	Heildarfasteignamat íbúða í eigu lögaðila utan svæðis
Reykjavík	3.770.494.435.000 kr.	183.852.500.000 kr.	44.514.001.000 kr.
Kópavogur	1.182.450.370.000 kr.	50.100.450.000 kr.	8.894.050.000 kr.
Seltjarnarnes	160.679.900.000 kr.	4.961.000.000 kr.	633.400.000 kr.
Garðabær	649.011.494.000 kr.	18.569.600.000 kr.	2.149.050.000 kr.
Hafnarfjörður	764.910.733.000 kr.	15.681.950.000 kr.	8.415.033.000 kr.
Mosfellsbær	358.333.839.000 kr.	7.765.500.000 kr.	2.268.300.000 kr.
Akureyri	425.558.725.000 kr.	29.967.150.000 kr.	28.048.555.000 kr.