Þá eru í samgönguáætlun 2020–2034 jafnframt eftirfarandi framkvæmdir sem tengjast lagningu bundins slitlags á stofnvegi:
    

Heiti vegar	Lengd/km
Snæfellsvegur um Skógarströnd	50,0
Bíldudalsvegur frá Bíldudalsflugvelli að Vestfjarðavegi	30,0
Innstrandavegur	5,0
Norðausturvegur um Brekknaheiði	8,5
Bárðardalsvegur vestri	37,0
Hlíðarvegur (917)	20,0
Samtals	150,5

    Framkvæmdir við stofnvegi hafa verið í forgangi í samgönguáætlun lengi. Ein af áherslum samgönguáætlunar 2020–2034 er að allar stofnleiðir og tengingar þeirra við þéttbýli með fleiri en 100 íbúa verði með bundnu slitlagi og viðunandi burðarþoli.
    Nú er í gangi vinna við gerð nýrrar samgönguáætlunar 2023–2037.

     4.      Er vilji til að setja framkvæmdir við stofnvegi í forgang við endurskoðun samgönguáætlunar?
    Ætíð þarf að forgangsraða fjármunum til vegagerðar. Unnið er að endurskoðun samgönguáætlunar sem verður lögð fram á Alþingi á vorþingi. Fjármálaáætlun er síðan lögð fram á hverju vorþingi. Við endurskoðun samgönguáætlunar og forgangsröðun framkvæmda verður áhersla á stofnvegi eins og hingað til. Af nógu er að taka og sem dæmi má nefna aðrar nýframkvæmdir, svo sem aðskilnað akstursstefna, lagningu bundins slitlags á tengivegi og breikkun einbreiðra brúa. Endanleg ákvörðun er í höndum Alþingis, sem með samþykkt tillögu að samgönguáætlun ákveður forgangsröðina.