Ferill 373. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 1426 — 373. mál.
Svar
innviðaráðherra við fyrirspurn frá Jönu Salóme Ingibjargar Jósepsdóttur um íbúðarhúsnæði í þéttbýli sem nýtt er sem orlofshúsnæði.
1. Hvert er áætlað umfang íbúðarhúsnæðis í þéttbýli þar sem eigandi hefur annað lögheimili og húsnæðið er ekki í skráðri langtímaleigu? Svar óskast sundurliðað eftir sveitarfélögum.
Forsendur eftirfarandi töflu eru fullbúnar íbúðir í þéttbýli þar sem eigandi er annars vegar einstaklingur sem er með annað lögheimili eða eigandi er lögaðili og hvorki er þinglýstur leigusamningur á fasteigninni né eru greiddar húsnæðisbætur vegna fasteignarinnar.
Gera verður þann fyrirvara að talsvert algengt er að hvorki sé þinglýstur leigusamningur né greiddar húsnæðisbætur á húsnæði í eigu leigufélaga þó að það sé í útleigu.
| Sveitarfélag | Fullbúnar íbúðir í þéttbýli | Íbúðir í eigu einstaklinga með annað lögheimili* | Íbúðir í eigu lögaðila** |
| Reykjavík | 57.049 | 4.165 | 3.843 |
| Kópavogur | 14.796 | 1.082 | 573 |
| Seltjarnarnes | 1.728 | 122 | 53 |
| Garðabær | 6.668 | 409 | 243 |
| Hafnarfjörður | 10.586 | 518 | 376 |
| Mosfellsbær | 4.372 | 211 | 189 |
| Kjósarhreppur | 107 | - | - |
| Reykjanesbær | 8.072 | 417 | 866 |
| Grindavík | 1.129 | 68 | 63 |
| Vogar | 508 | 21 | 52 |
| Suðurnesjabær | 1.297 | 56 | 127 |
| Akranes | 3.038 | 158 | 149 |
| Skorradalshreppur | 42 | - | - |
| Hvalfjarðarsveit | 271 | - | - |
| Borgarbyggð | 1.813 | 64 | 51 |
| Grundarfjarðarbær | 355 | 24 | 36 |
| Eyja- og Miklaholtshreppur | 68 | - | - |
| Snæfellsbær | 706 | 55 | 64 |
| Stykkishólmur og Helgafellssveit | 572 | 76 | 32 |
| Dalabyggð | 366 | 16 | 15 |
| Bolungarvík | 415 | 35 | 65 |
| Ísafjarðarbær | 1.718 | 173 | 153 |
| Reykhólahreppur | 161 | 6 | 18 |
| Tálknafjarðarhreppur | 117 | 11 | 14 |
| Vesturbyggð | 537 | 68 | 64 |
| Súðavíkurhreppur | 113 | 7 | 9 |
| Árneshreppur | 39 | - | - |
| Kaldrananeshreppur | 70 | 14 | 13 |
| Strandabyggð | 237 | 28 | 8 |
| Húnaþing vestra | 597 | 36 | 13 |
| Höfðahreppur | 215 | 28 | 20 |
| Skagabyggð | 47 | - | - |
| Húnabyggð | 571 | 49 | 34 |
| Skagafjörður | 1.938 | 137 | 117 |
| Akureyri | 8.724 | 655 | 668 |
| Húsavík | 1.358 | 90 | 113 |
| Fjallabyggð | 1.087 | 215 | 65 |
| Dalvíkurbyggð | 764 | 32 | 15 |
| Eyjafjarðarsveit | 419 | - | - |
| Hörgárbyggð | 314 | - | - |
| Svalbarðsstrandarhreppur | 167 | - | - |
| Grýtubakkahreppur | 156 | 17 | 15 |
| Tjörneshreppur | 31 | - | - |
| Þingeyjarsveit | 669 | 19 | 9 |
| Langanesbyggð | 274 | 30 | 15 |
| Fjarðabyggð | 2.106 | 173 | 178 |
| Múlaþing | 2.166 | 163 | 116 |
| Vopnafjarðarhreppur | 299 | 21 | 28 |
| Fljótsdalshreppur | 43 | - | - |
| Vestmannaeyjar | 1.870 | 175 | 137 |
| Sveitarfélagið Árborg | 4.347 | 322 | 163 |
| Hornafjörður | 891 | 46 | 62 |
| Mýrdalshreppur | 280 | 35 | 53 |
| Skaftárhreppur | 268 | 4 | 29 |
| Ásahreppur | 101 | - | - |
| Rangárþing eystra | 777 | 40 | 53 |
| Rangárþing ytra | 750 | 22 | 23 |
| Hrunamannahreppur | 316 | 29 | 27 |
| Hveragerði | 1.284 | 83 | 100 |
| Sveitarfélagið Ölfus | 866 | 30 | 35 |
| Grímsnes- og Grafningshreppur | 212 | - | - |
| Skeiða- og Gnúpverjahreppur | 259 | - | - |
| Bláskógabyggð | 511 | 15 | 34 |
| Flóahreppur | 259 | - | - |
** Eigandi er lögaðili og hvorki er þinglýstur leigusamningur á fasteigninni né eru greiddar húsnæðisbætur vegna fasteignarinnar.
2. Kemur til álita af hálfu ráðherra að leggja til að sett verði þak á það hversu hátt hlutfall íbúðarhúsnæðis í þéttbýli má „standa tómt“?
Bent hefur verið á að íbúðir sem standa auðar og enginn er skráður með lögheimili í dragi úr framboði leiguíbúða. Annar þáttur sem talinn er að dragi úr framboði leiguíbúða er fjölgun ferðamanna. Með fjölgun ferðamanna er ljóst að skammtímaleiga í formi heimagistingar hefur aukist á ný. Ekki liggur fyrir hvert umfang þessara tveggja þátta er á framboð og hvaða áhrif mögulegar mótvægisaðgerðir gætu haft. Í skýrslu starfshóps um aðgerðir og umbætur á húsnæðismarkaði 1 kom fram að eðlilegt væri að sveitarfélög hefðu úrræði til að bregðast við og stýra umfangi bæði skammtímaútleigu og auðra íbúða ef skortur er á íbúðum innan sveitarfélagsins. Til skoðunar er að endurskoða löggjöf um skammtímaútleigu eða heimagistingu þannig að sveitarfélög ákveði á hverjum tíma í hvaða mæli slíkt verði leyft umfram tiltekinn dagafjölda sem löggjafinn ákveður og að eftirlit verði eflt. Eðlilegt er að umræða um hversu hátt hlutfall íbúðarhúsnæðis í þéttbýli megi standa tómt fari fram innan sveitarfélaga.
3. Kemur til álita af hálfu ráðherra að leggja til að sett verði búsetuskylda á eigendur íbúðarhúsnæðis sem verði skylt að skrá lögheimili sitt í íbúðarhúsnæði í þéttbýli sem nýtt er sem orlofshúsnæði ef fjöldi íbúa í þéttbýlinu er undir ákveðnum fjölda? Ef já, hvað telur ráðherra vera ásættanlegt fjöldaviðmið? Ef nei, hvaða önnur úrræði sér ráðherra fyrir sér til að tryggja nægt framboð íbúðarhúsnæðis í viðkvæmum byggðum?
Innviðaráðuneytið hefur hafið vinnu við mótun stefnu á sviði húsnæðismála með birtingu grænbókar húsnæðis- og mannvirkjamála. Í framhaldinu hefst vinna við undirbúning tillögu til þingsályktunar um stefnumótun húsnæðismála. Samfélagslegt markmið stefnunnar er að tryggja stöðugleika á húsnæðismarkaði. Til þess að nálgast stöðugleika á húsnæðismarkaði þarf framboð íbúða og uppbygging að vera í takt við íbúðaþörf. Mikilvæg stjórntæki til þess að ná því fram eru húsnæðisáætlanir sveitarfélaga. Húsnæðisáætlunum er ætlað að draga fram mynd af því hver staða húsnæðismála er í hverju sveitarfélagi fyrir sig, greina framboð og eftirspurn eftir margvíslegum húsnæðisformum og setja fram áætlun um hvernig sveitarfélagið ætlar að mæta húsnæðisþörf heimila, bæði til skemmri og lengri tíma.
Tryggð byggð er verkefni sem hefur það að markmiði að stórauka uppbyggingu íbúðarhúsnæðis utan suðvesturshornsins. Um er að ræða samstarfsvettvang allra þeirra sem koma að húsnæðismálum á landsbyggðinni. Í gegnum Tryggða byggð er stuðlað að bættu aðgengi að upplýsingum um sérstök landsbyggðarlán, stofnframlög og byggðaframlög, samstarf við opinbera leigufélagið Bríeti og húsnæðissjálfseignarstofnunina Brák hses., sem er í eigu 31 sveitarfélags á landsbyggðinni, svo og stuðning sem Húsnæðis- og mannvirkjastofnun veitir á hönnunar- og undirbúningsstigi. Til þessa hefur verkefnið leitt til fjölgunar íbúða á landsbyggðinni sem nemur um 680 íbúðum í 38 sveitarfélögum, og er heildarfjárfesting 19,84 milljarðar kr.
4. Kemur til álita af hálfu ráðherra að sveitarfélögum, þar sem skortur er á húsnæði í þéttbýli, verði heimilt að innheimta „tómthúsgjald“ af íbúðarhúsnæði sem eigandi býr ekki í eða er ekki í langtímaleigu? Ef já, hver ættu skilyrði slíks gjalds að vera?
Það hefur ekki komið til álita af hálfu ráðherra.
1 Niðurstöður starfshóps um aðgerðir og umbætur á húsnæðismarkaði, maí 2022: www.stjornarradid.is/library/01--Frettatengt---myndir-og-skrar/IRN/Frettatengd-skjol/Starfsh%C3%B3pur%20um%20umb%C3%A6tur%20%C3%A1%20h%C3%BAsn%C3%A6%C 3%B0ismarka%C3%B0i%20-%20sk%C3%BDrsla%20-%20lokaeintak.pdf
