Ferill 309. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 1092 — 309. mál.
Svar
félags- og vinnumarkaðsráðherra við fyrirspurn frá Önnu Kolbrúnu Árnadóttur um íslenskukennslu fyrir útlendinga.
1. Hversu margar símenntunarmiðstöðvar, greint eftir landsvæðum, sinna virkri íslenskukennslu fyrir útlendinga og hvað heita þær?
Almennt eru tíu viðurkenndir fræðsluaðilar, sem m.a. sinna íslenskukennslu fyrir útlendinga, taldir til símenntunarmiðstöðva, sjá nánar í eftirfarandi töflu, greint eftir landsvæðum.
| Símenntunarmiðstöð | Landsvæði |
| Austurbrú | Austurland |
| Farskólinn – miðstöð símenntunar á Norðurlandi vestra | Norðurland vestra |
| Fræðslumiðstöð Vestfjarða | Vestfirðir |
| Fræðslunetið – símenntun á Suðurlandi | Suðurland |
| Miðstöð símenntunar á Suðurnesjum | Suðurnes |
| Mímir símenntun | Höfuðborgarsvæði |
| Símenntun á Vesturlandi | Vesturland |
| SÍMEY – Símenntunarmiðstöð Eyjafjarðar | Norðurland eystra |
| Viska, fræðslu- og símenntunarmiðstöð Vestmannaeyja | Vestmannaeyjar |
| Þekkingarnet Þingeyinga | Norðurland eystra |
2. Hversu margir útlendingar, greint eftir landsvæðum, sækja íslenskukennslu sem í boði er hjá símenntunarmiðstöðvum?
Í eftirfarandi töflu má sjá fjölda erlendra ríkisborgara sem skráðu sig á íslenskunámskeið hjá símenntunarmiðstöðvum á árinu 2021 og á fyrri helmingi árs 2022, greint eftir landsvæðum.
| Símenntunarmiðstöð | Landsvæði | Fjöldi |
| Austurbrú | Austurland | 192 |
| Farskólinn – miðstöð símenntunar á Norðurlandi vestra | Norðurland vestra | 72 |
| Fræðslumiðstöð Vestfjarða | Vestfirðir | 188 |
| Fræðslunetið – símenntun á Suðurlandi | Suðurland | 318 |
| Miðstöð símenntunar á Suðurnesjum | Suðurnes | 448 |
| Mímir símenntun | Höfuðborgarsvæði | 1.641 |
| Símenntun á Vesturlandi | Vesturland | 106 |
| SÍMEY – Símenntunarmiðstöð Eyjafjarðar | Norðurland eystra | 244 |
| Viska, fræðslu- og símenntunarmiðstöð Vestmannaeyja | Vestmannaeyjar | 21 |
| Þekkingarnet Þingeyinga | Norðurland eystra | 145 |
| Samtals | 3.375 |
3. Hvaða menntun hafa þeir kennarar sem sinna íslenskukennslu fyrir útlendinga hjá símenntunarmiðstöðvum, greint eftir landsvæðum?
Ráðuneytið hefur ekki upplýsingar um menntun þeirra sem sinna íslenskukennslu fyrir útlendinga hjá símenntunarmiðstöðvum en þó liggur fyrir að ekki er kveðið á um menntunarkröfur til þeirra í lögum um framhaldsfræðslu, nr. 27/2010.
