Ferill 287. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 620 — 287. mál.
Svar
innviðaráðherra við fyrirspurn frá Líneik Önnu Sævarsdóttur um lagningu bundins slitlags á umferðarlitla vegi.
1. Hvaða reglum (verklagsreglum, viðmiðum eða stöðlum) þarf Vegagerðin að fylgja við vinnu að markmiði 2.1.6 í samgönguáætlun fyrir árin 2020–2034 um að unnið verði „að lagningu á bundnu slitlagi á umferðarlitla vegi sem hafa viðunandi burðarþol þrátt fyrir að veghönnun sé að einhverju leyti ábótavant“?
Vegagerðin fylgir veghönnunarreglum við hönnun þjóðvega sem nálgast má hér: www.vegagerdin.is/upplysingar-og-utgafa/leidbeiningar-og-stadlar/veghonnunarreg lur/. Um lagningu bundins slitlags á umferðarlitla vegi gilda jafnframt viðbótarreglur sem eiga við lágmarksaðgerðir við styrkingu vega og lagningu bundins slitlags þegar ekki er unnt að endurgera veg samkvæmt ýtrustu reglum. Í viðbótarreglunum er tekið á þáttum eins og umferðarþunga, burðarþoli, hraða, breidd, beygjum, merkingum við og á vegi, auk annarra atriða.
Skipting fjárveitingar til verkefnisins á milli svæða tekur mið af lengd vega án bundins slitlags á hverju svæði og umferðarmagni. Lögð er áhersla á umferðarmestu vegina. Önnur atriði sem tekið er tillit til eru ástand veganna, vinnusókn og skólaakstur. Þá er tekið tillit til þess hversu erfitt er að halda uppi þjónustu á þeim eins og þeir eru. Auðveldara er að halda uppi þjónustu eftir að bundið slitlag hefur verið lagt á vegi. Svæðisstjórar leita álits frá sveitarfélögum og sambandi sveitarfélaga hver á sínu svæði um forgangsröðun og val verkefna.
2. Hvaða verkefni hafa verið unnin í samræmi við þetta markmið?
Fjárveiting til verkefnisins kom fyrst inn á samgönguáætlun á árinu 2011. Heiti verkefnisins í samgönguáætlun er „Tengivegir, bundið slitlag“. Alls hafa um 330 km af vegum verið lagðir bundnu slitlagi á árunum 2011–2022 undir formerkjum þessa verkefnis. Skipting eftir svæðum Vegagerðarinnar og vegum má sjá hér á eftir:
| Vegnúmer | Kafli | Vegheiti | Kaflaheiti |
Lengd km |
|
|
||||
| 26 | 04 | Landvegur | Galtalækur–Þjófafossvegur | 7,5 |
| 26 | 04 | Landvegur | Þjófafossvegur–Landmannaleið | 5,3 |
| 42 | 02/03 | Krýsuvíkurvegur | Vigdísarvallarv.–Suðurstr.v. | 10,1 |
| 42 | 02 | Krýsuvíkurvegur | um Vatnsskarð | 1,5 |
| 204 | 02 | Meðallandsvegur | Fossar–Syðri-Fljótar | 6,4 |
| 206 | 01 | Holtsvegur | Hunkubakki–Fjaðrárglj.v. | 1,1 |
| 206 | 11 | Fjaðrárgljúfursvegur | Holtsv.(206)–Fjaðrárgljúfur | 1,1 |
| 218 | 02 | Dyrhólavegur | Dyrhólavegur –Viti | 6 |
| 249 | 01 | Þórsmerkurvegur | Hringvegur–Seljalandsá | 1,25 |
| 221 | 01 | Sólheimajökulsvegur | Hringvegur–Sólheimajökull | 4,2 |
| 249 | 01 | Þórsmerkurvegur | Hringvegur–Seljalandsá | 1,25 |
| 252 | 06 | Landeyjavegur | Ártúnsvegur–Hringvegur | 2,6 |
| 264 | 02 | Rangárvallavegur | Hróarslækur–Gunnarsholt | 2,4 |
| 266 | 01 | Oddavegur | Vindás–Landeyjavegur (252–05) | 2,8 |
| 268 | 01 | Þingskálavegur | Kaldbakur–Svínhagi | 5 |
| 271 | 01 | Árbæjarvegur | Fossar–Syðri-Fljótar | 2,4 |
| 272 | 01 | Bjallavegur | um Lækjarbotna | 0,6 |
| 302 | 01 | Urriðafossvegur | Hringvegur–Urriðafoss | 1,2 |
| 305 | 02 | Villingaholtsvegur | við Fljótshóla | 0,7 |
| 308 | 01 | Hamarsvegur | Gaulverjabæjarvegur–Hamarshjáleiga | 6 |
| 309 | 01 | Kolholtsvegur | Villingaholtsvegur–Vatnsholt | 0,9 |
| 310 | 01 | Votmúlavegur | Nýibær–Lækjarmót og Ljónsst–Lækjarmót | 2,4 |
| 321 | 01 | Skeiðháholtsvegur | Skeiðav. Skeiðháholtsv. | 1,7 |
| 324 | 01 | Vorsabæjarvegur | Skeiðavegur (30)–Vorsbær | 2 |
| 325 | 01 | Gnúpverjavegur | Þjórsárdalsvegur–Þverá | 1,6 |
| 340 | 01 | Auðholtsvegur | Frá slitlagsenda að Langholtsvegi | 1 |
| 341 | 01 | Langholtsvegur | Flúðir–Auðsholtsvegur | 7 |
| 344 | 01 | Hrunavegur | Hrunamannavegur–Kaldbaksvegur | 3,6 |
| 350 | 01 | Grafningsvegur neðri | Hlíð–Grafningsvegur efri | 4,3 |
| 351 | 01 | Búrfellsvegur | Þingvallavegur–Búrfell | 2,3 |
| 360 | 02 | Grafningsvegur efri | Írafossvegur–Nesjavallavegur | 12,8 |
| 366 | 01 | Böðmóðsstaðavegur | Laugarvatnsv.–Böðmóðsst. | 2,3 |
| 431 | 01 | Hafravatnsvegur | Nesjavallavegur–Úlfarsfellsvegur | 4,2 |
| 443 | 01 | Reykjanesvitavegur | Nesvegur–Reykjanesviti | 1,7 |
| 461 | 01 | Meðalfellsvegur | Hvalfjarðarvegur–Kjósaskarðsvegur | 2,8 |
| Samtals | 120 | |||
| Vestursvæði | ||||
| 52 | 02 | Uxahryggjavegur | Borgafjarðarbraut–Lundareykjadalsv. | 6 |
| 55 | 02 | Heydalsvegur | um Bíldhól | 0,2 |
| 59 | 01 | Laxárdalsvegur | Þrándaargil–Gröf | 5,8 |
| 502 | 01 | Svínadalsvegur | Leirársveitarvegur–Kambshóll | 8 |
| 505 | 01 | Melasveitarvegur | Hringvegur–Bakki | 2 |
| 505 | 01 | Melasveitarvegur | Bakki–Svínabú | 4,9 |
| 507 | 01 | Mófellsstaðavegur | Borgarfjarðarbr.– Hreppslaug | 2 |
| 508 | 02 | Skorradalsvegur | Vatnsendahlíð–Dagverðarnes | 3,7 |
| 509 | 05 | Klofningsvegur | um Skarð og Klifmýri | 0,9 |
| 515 | 01 | Flókadalsvegur | um Litla-Kropp, Geirshlíð og Giljahlíð | 1 |
| 522 | 02 | Þverárhlíðarvegur | Borgarfjarðarbraut–Högnastaðir | 8,5 |
| 523 | 01/02 | Hvítársíðuvegur | um Síðumúla og Kirkjuból | 1,2 |
| 523 | 02/03 | Hvítársíðurvegur | um Bjarnastaði | 3,1 |
| 523 | 03 | Hvítársíðuvegur | Kalmanstunga–Hvítá | 2,8 |
| 533 | 01 | Álftaneshreppsvegur | Snæfellsnesv.–Leirulækur | 7,5 |
| 553 | 01 | Langavatnsvegur | Hringvegur–þjónustuhús Iðju | 1,3 |
| 577 | 01 | Helgafellssveitarvegur | Snæfellsnesv.–Bjarnarhafnarv. | 2 |
| 612 | 01 | Örlygshafnarvegur | Skápadalsá–Hvalsker | 5,8 |
| 624 | 01 | Ingjaldssandsvegur | Vestfjarðavegur–Núpur | 7,5 |
| 637 | 01 | Seljalandsdalsvegur | Engi–Skíðaskáli | 2,1 |
| 5317 | 01 | Grímarstaðavegur | Hvanneyri–Hvítárvallavegur | 5,8 |
| 643 | 08 | Strandavegur | Í Trékyllisvík | 2,9 |
| Samtals | 85 | |||
| Norðursvæði | ||||
| 85 | 31–33 | Norðausturvegur | Finnafjörður–Bakkafjörður | 20,5 |
| 87 | 02 | Kísilvegur | Geitafell–Kollóttaalda | 11 |
| 704 | 01 | Miðfjarðarvegur | Hringvegur–Staðarbakki | 3,8 |
| 711 | 01 | Vatnsnesvegur | Hvammstangi–Grímsá | 4,6 |
| 724 | 01 | Reykjabraut | Hringvegur–Húnavellir | 7,2 |
| 731 | 02 | Svínvetningabraut | Blönduós–Kaldakinn | 5,2 |
| 731 | 03 | Svínvetningabraut | Kjalvegur–hringvegur | 5 |
| 745 | 01 | Skagavegur | Skagastrandarv.–Harastaðir | 3,7 |
| 746 | 01 | Tindastólsvegur | Þverárfjallsvegur–skíðasvæði | 4 |
| 748 | 01 | Reykjastrandarvegur | Þverárfjallsvegur–Fagranes | 5,5 |
| 752 | 02 | Skagafjarðarvegur | Hafgrímsstaðir–Stekkjarholt | 8,2 |
| 764 | 02 | Hegranesvegur | Beingarður–Sauðárkróksbraut | 4,3 |
| 807 | 01 | Skíðadalsvegur | Hofsá–Ytra Hvarf | 3,5 |
| 816 | 01 | Dagverðareyrarvegur | Hringvegur–Ólafsfjarðarvegur | 1,5 |
| 817 | 01 | Blómsturvallavegur | Hringvegur–Blómsturvellir | 1,6 |
| 824 | 01 | Finnastaðavegur | Eyjafjarðarbraut v.–Holtssel | 1,3 |
| 826 | 01 | Hólavegur | Sandhólar–Arnarfell | 2,9 |
| 853 | 01 | Hvammavegur | Aðaldalsvegur–Kísilvegur | 2,3 |
| 854 | 01 | Staðarbraut | Aðaldalsvegur–Laxárvirkjun | 4,5 |
| 860 | 01 | Grjótagjárvegur | Hringvegur–Grjótagjá | 2,5 |
| 862 | 02 | Dettifossvegur | Dettifossvegur vestri–Hólmatungur | 6 |
| 884 | 01 | Dimmuborgarvegur | Mývatnssveitarvegur–Dimmuborgir | 0,6 |
| Samtals | 109,7 | |||
| Austursvæði | ||||
| 1 | t9 | Hringvegur | Suðurbyggðavegur–slitlagsendi | 1,4 |
| 917 | 01 | Hlíðarvegur | Fossvellir–Hallgeirsstaðir | 6,5 |
| 917 | 07 | Hlíðarvegur | Öxl–Hofsá | 3,3 |
| 925 | 01 | Hróarstunguvegur | Hringvegur–Árbakki | 5,5 |
| 925 | 01 | Hróarstunguvegur | Hringvegur–Húseyjarvegur | 0,7 |
| 925 | 04 | Hróarstunguvegur | Rangá–Urriðavatn | 1,4 |
| 931 | 02 | Upphéraðsvegur | Hof–Skeggjastaðir | 5,2 |
| 931 | 02 | Upphéraðsvegur | Um Ásklif | 3,7 |
| 931 | 03 | Upphéraðsvegur | Skeggjastaðir–Brekkugerðisvegur | 4,2 |
| 931 | 03 | Upphéraðsvegur | Teigaból–Bolalækur | 3,1 |
| 953 | 03 | Mjóafjarðarvegur | Brekkuþorp | 0,4 |
| 954 | 01 | Helgustaðavegur | Utan Mjóeyrar | 1,3 |
| 964 | 02 | Breiðdalsvegur | Suðurbyggðavegur–Hringvegur | 0,9 |
| 9739 | 01 | Dilksnesvegur | Hringvegur–Dilksnes | 1 |
| Samtals | 38,6 | |||
| Alls | 353,3 |
3. Hvaða verkefni er áætlað að vinna í samræmi við þetta markmið gildandi samgönguáætlunar?
Á árunum 2023–2026 er fyrirhugað að vinna að alls 122 km af vegum sem skiptast eftir svæðum Vegagerðarinnar og vegarköflum eins og sést hér á eftir:
| Vegnúmer | Kafli | Vegheiti | Kaflaheiti | Lengd |
| Suðursvæði | ||||
| 204 | 03 | Meðallandsvegur | Slitlagsendi–Efri Ey | 5 |
| 250 | 01 | Dímonarvegur | Hringvegur–Auravegur | 3 |
| 252 | 02 | Landeyjavegur | Gunnarshólmi–Káragerði | 4 |
| 252 | 06 | Landeyjavegur | Þúfa/Einungismýri–Ártúnsvegur | 4 |
| 268 | 01 | Þingskálavegur | Hlíð–Bolholt | 7,5 |
| 271 | 01 | Árbæjarvegur | Árbakki–Bjallavegur | 5 |
| 325 | 01 | Gnúpverjavegur | Mön–Ásaskóli | 1 |
| 351 | 01 | Búrfellsvegur | Klausturhólar–Búrfell | 4,3 |
| 460 | 01 | Eyrarfjallsvegur | Hvalfjarðarvegur | 2,5 |
| Samtals | 36,3 | |||
| Vestursvæði | ||||
| 59 | 02 | Laxárdalsvegur | Lambeyrar–Sýslumörk | 10,3 |
| 590 | 01 | Klofningsvegur | Vestfjarðavegur–Hafnará | 8 |
| 612 | 01 | Örlygshafnarvegur | Hvalsker–Sauðlauksdalsvegur | 3,8 |
| 690 | 00 | Steinadalsvegur | Vestfjarðavegur–Ólafsdalur | 7 |
| Ýmsir vegir | Slitlög við bæjarhlöð | 2,0 | ||
| Samtals | 31,1 | |||
| Norðursvæði | ||||
| 59 | 11 | Laxárdalsvegur | Sýslumörk–Innstrandavegur | 7,5 |
| 711 | 01 | Vatnsnesvegur | Kárastaðir–Ánastaðir | 6,5 |
| 711 | 05 | Vatnsnesvegur | Þorfinnsstaðir–Vesturhópshólaá | 3 |
| 722 | 01 | Vatnsdalsvegur | Hringvegur–Undirfell | 14 |
| 731 | 01 | Svínvetningabraut | Kaldakinn–Tindar | 3 |
| Ýmsir vegir | Slitlög við bæjarhlöð | 1 | ||
| Samtals | 35 | |||
| Austursvæði | ||||
| 923 | 01 | Jökuldalsvegur | Arnórsstaðir–Hákonarstaðir | 8,8 |
| 923 | 02 | Jökuldalsvegur | Hákonarstaðir–Grund | 3 |
| 954 | 02 | Helgustaðarvegur | Ýmsir staðir | 1,5 |
| 9720 | 01 | Stokksnesvegur | Hringvegur–Hornsvegamót | 4,5 |
| Ýmsir staðir | Slitlög við bæjarhlöð | 2,2 | ||
| Samtals | 20,0 | |||
| Alls | 122,4 |
4. Telur ráðherra að skýra þurfi reglur (verklagsreglur, viðmið eða staðla) til að auðvelda framkvæmdir í samræmi við þetta markmið?
Sérstakar fjárveitingar hafa verið til þessa verkefnis frá árinu 2011. Vel hefur gengið að vinna eftir þeim reglum og viðmiðum sem hafa verið settar um þessa vegi og lýst er hér að framan.
Vegagerðin hefur haft umsjón með því fé sem varið hefur verið til málaflokksins. Fjárveitingu er fyrst skipt á milli svæða Vegagerðarinnar. Fyrst og fremst er miðað við lengd tengivega án bundins slitlags á hverju svæði og umferð á þeim. Forgangsröðun verkefna á hverju svæði er síðan byggð á umferð, vinnusókn, akstri skólabíla og ástandi veganna. Þá er sérstaklega litið til þess hversu kostnaðarsamir vegir eru í þjónustu með malarslitlagi. Þjónusta við vegi verður auðveldari þegar þeir hafa verið lagðir bundnu slitlagi.
Haft er samráð við sveitarfélög um forgangsröðun verkefna. Töluvert er um breytingar á því hvernig verkefnum hefur verið raðað og þeim verkefnum sem síðan er farið í. Höfð er hliðsjón af öðrum verkefnum sem nauðsynlegt er að vinna. Miðað er við að það sem gert er þurfi minni undirbúning en önnur verk svo sem í sambandi við áhrif á umhverfi.
Á árunum 2011–2019 var varið að jafnaði 800–1.000 millj. kr. árlega til lagningar bundins slitlags á þessa vegi. Í tengslum við fjárfestingarátak stjórnvalda sem samþykkt var vorið 2020 var lögð sérstök áhersla á þessi verkefni og var um 2.000 millj. kr. varið til þess árið 2020. Árin 2021–2022 var varið 2.500 millj. kr. hvort ár til þessa verkefnis. Árið 2023 verður síðan varið tæplega 2.000 millj. kr. til verkefnisins. Á árunum 2025–2034 er svo gert ráð fyrir um 1,4–1,5 milljarði kr. að meðaltali á ári í samræmi við gildandi samgönguáætlun.
Ætíð þarf að forgangsraða fjármunum til vegagerðar. Verði svo að umferðarlitlir vegir fái aukið vægi er líklegt fjárveitingar til annarra verkefna verði minni. Þar má nefna verkefni eins og nýframkvæmdir, uppbyggingu annarra stofn- og tengivega, breikkun einbreiðra brúa auk annarra verkefna í vegagerð.
