Ferill 1170. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 2235 — 1170. mál.
Svar
matvælaráðherra við fyrirspurn frá Sigurjóni Þórðarsyni um kærur vegna úthlutunar á byggðakvóta.
1. Hve oft hafa ráðuneytinu borist kærur vegna ákvarðana um úthlutun á almennum byggðakvóta, sbr. 2. tölul. 1. mgr. 10. gr. laga um stjórn fiskveiða, á ári hverju sl. 10 ár?
Ráðuneytinu hafa borist 69 stjórnsýslukærur vegna ákvarðana um úthlutun á almennum byggðakvóta sl. 10 ár. Í þessari upptalningu eru ekki þær kærur sem hafa verið afturkallaðar. Fjöldi kæra skiptist með eftirfarandi hætti á ár:
| 2013 | 2014 | 2015 | 2016 | 2017 | 2018 | 2019 | 2020 | 2021 | 2022 | 2023 | Samtals |
| 12 | 7 | 1 | 3 | 1 | 5 | 6 | 6 | 16 | 10 | 2 | 69 |
2. Hve oft hafa ráðuneytinu borist kærur vegna ákvarðana um úthlutun á sértækum byggðakvóta, sbr. 10. gr. a laga um stjórn fiskveiða, á ári hverju sl. 10 ár?
Ráðuneytinu hafa borist 9 stjórnsýslukærur vegna ákvarðana um úthlutun á aflamarki Byggðastofnunar (sértækum byggðakvóta) sl. 10 ár. Fjöldi kæra skiptist með eftirfarandi hætti á ár:
| 2013 | 2014 | 2015 | 2016 | 2017 | 2018 | 2019 | 2020 | 2021 | 2022 | 2023 | Samtals |
| 1 | 0 | 0 | 1 | 1 | 1 | 1 | 3 | 1 | 0 | 0 | 9 |
