Ferill 1095. máls. Aðrar útgáfur af skjalinu: PDF - Word Perfect.
153. löggjafarþing 2022–2023.
Þingskjal 1978 — 1095. mál.
Svar
matvælaráðherra við fyrirspurn frá Bryndísi Haraldsdóttur um endurmat útgjalda.
Fyrirspurnin hljóðar svo:
Hefur ráðuneytið innleitt endurmat útgjalda samkvæmt skilgreiningu Efnahags- og framfarastofnunarinnar (OECD)? Ef svo er, hvenær var það gert og hvaða árangri hefur það skilað?
Verklag vegna endurmats útgjalda er á ábyrgð fjármála- og efnahagsráðuneytisins. Fjármála- og efnahagsráðuneytið hefur frumkvæði að verkefnum sem ráðast skal í markvisst útgjaldaendurmat á og vinnur matið svo í samvinnu við viðkomandi fagráðuneyti. Enn sem komið er hafa engin verkefni sem heyra undir málefnasvið matvælaráðuneytisins verið metin.
