271. mál: Stefnur og aðgerðaáætlanir á sviði húsnæðis- og skipulagsmála, samgangna og byggðamála

271 | Stefnur og aðgerðaáætlanir á sviði húsnæðis- og skipulagsmála, samgangna og byggðamála (stefnumörkun)

156. þing | 29.3.2025 | Lagafrumvarp | Stjórnarmál

Umsagnir: 8 | Þingskjöl: 2 | Staða: Bíður 2. umræðu

Samantekt

Markmið: Að aðlaga lagaumgjörð um stefnumörkun og aðgerðaáætlanir að breyttri verkaskiptingu í Stjórnarráðinu og tryggja samhæfðari stefnumörkun á málefnasviði innviðaráðuneytisins.

Helstu breytingar og nýjungar:

Lagt er til að lögin vísi almennt til stefnumörkunar og aðgerðaáætlana á sviði innviða í stað upptalningar málaflokka að því marki sem ekki er kveðið á um slíkt í öðrum lögum. Gert er ráð fyrir að ráðherra leggi fram á hverju kjörtímabili eina eða fleiri tillögur til þingsályktana um stefnumörkun til 15 ára á sviði innviða þannig að ráðherra geti, eftir atvikum, sameinað stefnur og aðgerðaáætlanir í eina stefnu og aðgerðaáætlun. Jafnframt er lagt til að núverandi ráð við undirbúning stefna verði sameinuð í stefnuráð, sem geri tillögur til ráðherra um stefnur og aðgerðaáætlanir að fengnum áherslum ráðherra, og að orðalagi lagaákvæða verði breytt til samræmis við það fyrirkomulag.

Breytingar á lögum og tengd mál: Lög um stefnur og aðgerðaáætlanir á sviði húsnæðis- og skipulagsmála, samgangna og byggðamála, nr. 30/2023.

Lög um húsnæðismál, nr. 44/1998.

Skipulagslög, nr. 123/2010.

Kostnaður og tekjur: Ekki er gert ráð fyrir beinum áhrifum á ríkissjóð.

Afgreiðsla: Afgreitt úr nefnd til 2. umræðu.

Efnisflokkar: Samfélagsmál: Byggðamál | Samfélagsmál: Félagsmál | Samgöngumál: Samgöngur | Stjórnarskipan og stjórnsýsla: Sveitarstjórnarmál | Umhverfismál: Umhverfisstjórn og náttúruvernd

Þingskjöl

Umsagnir