Markmið: Að jafna mismunandi útgjaldaþörf og skatttekjur sveitarfélaga með framlögum úr Jöfnunarsjóði sveitarfélaga og skýra lagaumgjörð sjóðsins með heildstæðari og gagnsærri reglum um úthlutun.

Helstu breytingar og nýjungar:

Breytingar á lögum og tengd mál: Um er að ræða ný lög en við gildistöku þeirra breytingar á lögum um tekjustofna sveitarfélaga, nr. 4/1995, og sveitarstjórnarlögum, nr. 138/2011.

Kostnaður og tekjur: Ekki er gert ráð fyrir áhrifum á ríkissjóð.

Aðrar upplýsingar: Löggjöf á Norðurlöndum

Afgreiðsla: Samþykkt með þeim breytingum að ráðstöfunarfé Jöfnunarsjóðs taki einnig til greiðslu framlaga til sveitarfélaga samkvæmt 13. gr. frumvarpsins og annarra framlaga sem sjóðnum er sérstaklega falið að úthluta til sveitarfélaga vegna sérstakra verkefna. Þá voru 3.–5. mgr. 14. gr. frumvarpsins felldar brott en þær fjölluðu um lækkun framlaga til sveitarfélags ef það fullnýtir ekki heimild sína til álagningar útsvars.

Efnisflokkar: Hagstjórn: Fjárreiður ríkisins  |  Hagstjórn: Skattar og tollar  |  Stjórnarskipan og stjórnsýsla: Sveitarstjórnarmál