Markmið: Að styrkja eftirlit og varnir gegn peningaþvætti og fjármögnun hryðjuverka, bæta réttaröryggi skattaðila og tryggja fulla jöfnun kostnaðar við dreifingu raforku.

Helstu breytingar og nýjungar: Frumvarpið kveður á um að tilkynningarskylda vegna flutnings á fjármunum til og frá landinu að fjárhæð sem nemur 10.000 evrum eða meira nái einnig til póstsendinga. Gert er ráð fyrir að vanræksla á tilkynningarskyldu varði sekt sem nemi 20% af verðmæti þeirra fjármuna sem ekki er tilkynnt um. Þá er lagt til að tollyfirvöld fái heimild til að leita í innrituðum farangri farþega og áhafna án þess að viðkomandi sé viðstaddur ef það myndi annars leiða til óhóflegra tafa. Auk þess er lagt til að hægt verði að sekta lögaðila fyrir brot á tollalögum, s.s. fyrir að veita rangar upplýsingar um vöru, óháð því hvort hægt sé að sanna sök á hendur einstaka starfsmönnum. Jafnframt er lagt til að skattaðilar fái rétt til að kæra synjun ríkisskattstjóra um breytingar á fyrri ákvörðunum til yfirskattanefndar. Einnig er gert ráð fyrir að skattfrelsi á styrkjum til kaupa á hreinorkubifreiðum verði framlengt til loka árs 2027. Þá er lagt til að hækka jöfnunargjald vegna dreifingar raforku á bæði forgangsorku og skerðanlegan flutning raforku.

Breytingar á lögum og tengd mál: Tollalög, nr. 88/20050.

Kostnaður og tekjur:

Afgreiðsla: Afgreitt úr nefnd til 3. umræðu.

Efnisflokkar: Hagstjórn: Fjárreiður ríkisins  |  Samgöngumál: Fjarskipti og póstmál  |  Umhverfismál: Orkumál og auðlindir  |  Hagstjórn: Skattar og tollar  |  Atvinnuvegir: Viðskipti