252. mál: Starfstengdir eftirlaunasjóðir

Samantekt

Markmið: Að setja ný heildarlög um starfstengda eftirlaunasjóði og innleiða tilskipun (ESB) 2016/2341 í íslenskan rétt.

Helstu breytingar og nýjungar:

Lagt er til að sett verði ný heildarlög um starfstengda eftirlaunasjóði sem innleiða tilskipun (ESB) 2016/2341 um starfsemi og eftirlit með stofnunum sem sjá um starfstengdan lífeyri í íslenskan rétt. Lagt er til að sjóðir verði skráðir hjá Fjármálaeftirlitinu og háðir eftirliti þess, að starfsemi þeirra verði afmörkuð við starfstengd eftirlaun og aðskilin frá aðildarfyrirtækjum. Þá er gert ráð fyrir ítarlegri kröfum um stjórnarhætti og stjórnkerfi, m.a. um stefnur og verklag vegna áhættustýringar og tengdra lykilþátta, og að Fjármálaeftirlitið geti krafist úrbóta ef stjórnkerfi telst óviðunandi. Jafnframt er lagt til að settar verði reglur um starfsemi yfir landamæri innan EES og um flutning eigna og skuldbindinga. Loks er gert ráð fyrir auknum kröfum um gagnsæi, m.a. að sjóðfélagar geti fengið yfirlit um lífeyrisréttindi.

Breytingar á lögum og tengd mál: Um er að ræða ný lög og við gildistöku þeirra falla úr gildi lög um starfstengda eftirlaunasjóði, nr. 78/2007. Jafnframt verða breytingar á lögum um tekjuskatt, nr. 90/2003, og lögum um vátryggingastarfsemi, nr. 100/2016.

Kostnaður og tekjur: Ekki er gert ráð fyrir áhrifum á ríkissjóð.

Aðrar upplýsingar: Tilskipun Evrópuþingsins og ráðsins (ESB) 2016/2341 frá 14. desember 2016 um starfsemi og eftirlit með stofnunum sem sjá um starfstengdan lífeyri.

Afgreiðsla: Afgreitt úr nefnd til 2. umræðu.

Efnisflokkar: Samfélagsmál: Almannatryggingar | Erlend samskipti: Alþjóðasamningar og utanríkismál | Samfélagsmál: Félagsmál | Atvinnuvegir: Viðskipti

252 | Starfstengdir eftirlaunasjóðir

Þingskjöl

Umsagnir