Markmið: Að kveða skýrt á um lagastoð til innleiðingar á Evrópugerðum með stjórnvaldsfyrirmælum. Að stefna að því að ákvæði laganna endurspegli betur verkaskiptingu milli fjármála- og efnahagsráðuneytisins og Seðlabanka Íslands við innleiðingu undirgerða frá stofnunum Evrópusambandsins.

Helstu breytingar og nýjungar: Frumvarpið felur í breytingar á reglusetningarheimildum um tilkynningar og upplýsingagjöf í tengslum við starfsemi sjóða og rekstraraðila sjóða yfir landamæri innan EES. Lagt er til að heimildir til að setja stjórnvaldsfyrirmæli í viðkomandi lagabálkum endurspegli þá verkaskiptingu sem viðhöfð hefur verið á milli fjármála- og efnahagsráðuneytisins og Seðlabanka Íslands. Þetta á m.a. við um nánari reglur um form og efni tilkynninga og staðfestinga, hvaða skjöl skuli þýða og verklag við upplýsingaskipti og notkun rafrænna samskipta.

Breytingar á lögum og tengd mál: Lög um rekstraraðila sérhæfðra sjóða, nr. 45/2020.

Kostnaður og tekjur: Ekki er gert ráð fyrir áhrifum á ríkissjóð.

Aðrar upplýsingar: Framkvæmdarreglugerð framkvæmdastjórnarinnar (ESB) 2024/910 frá 15. desember 2023 um tæknilega framkvæmdarstaðla fyrir beitingu tilskipunar Evrópuþingsins og ráðsins 2009/65/EB að því er varðar snið og inntak upplýsinganna sem tilkynna skal að því er varðar starfsemi verðbréfasjóða yfir landamæri, rekstrarfélög verðbréfasjóða, skipti á upplýsingum milli lögbærra yfirvalda með tilkynningarbréfum yfir landamæri, og um breytingu á reglugerð framkvæmdastjórnarinnar (ESB) nr. 584/2010.

Afgreiðsla: Samþykkt óbreytt.

Efnisflokkar: Erlend samskipti: Alþjóðasamningar og utanríkismál  |  Atvinnuvegir: Viðskipti