141. mál: Skipan upplýsingatækni í rekstri ríkisins

141 | Skipan upplýsingatækni í rekstri ríkisins

156. þing | 6.3.2025 | Lagafrumvarp | Stjórnarmál

Umsagnir: 15 | Þingskjöl: 1 | Nefnd: FL | Staða: Umsagnarfrestur liðinn (6.4.2025)

Samantekt

Markmið: Að tryggja samræmda, hagkvæma, örugga og vandaða skipan upplýsingatækni ríkisins ásamt því að auka skilvirkni og gagnsæi opinberrar þjónustu.

Helstu breytingar og nýjungar:

Lagt er til að fjármála- og efnahagsráðherra beri ábyrgð á skipan upplýsingatækni ríkisins og sé heimilt að setja tækni- og rekstrarleg viðmið. Gert er ráð fyrir að ríkisaðilum verði gert að kappkosta að fylgja viðmiðunum, meta samræmi við þau og rökstyðja frávik frá þeim. Jafnframt er mælt fyrir um skyldubundna og gjaldfrjálsa gagnamiðlun milli ríkisaðila að undanskildum viðkvæmum persónuupplýsingum. Þá er lagt til að ráðherra fái heimildir er varða sameiginlega stafræna innviði, þ.m.t. um skyldunotkun og gjaldtöku, og að félög í eigu ríkisins sem starfa á samkeppnismarkaði verði undanþegin skyldu til að nota stafrænt pósthólf stjórnvalda.

Breytingar á lögum og tengd mál: Um er að ræða ný lög en við gildistöku þeirra verða breytingar á lögum um stafrænt pósthólf í miðlægri þjónustugátt stjórnvalda, nr. 105/2021.

Kostnaður og tekjur: Ekki er gert ráð fyrir verulegum áhrifum á ríkissjóð.

Aðrar upplýsingar:

Reglugerð Evrópuþingsins og ráðsins (ESB) 2018/1724 frá 2. október 2018 um að koma á sameiginlegri stafrænni gátt til að veita aðgang að upplýsingum, málsmeðferðarreglum og aðstoð og þjónustu til lausnar á vandamálum og um breytingu á reglugerð (ESB) nr. 1024/2012.

Tilskipun Evrópuþingsins og ráðsins (ESB) 2016/2102 frá 26. október 2016 um aðgengi vefsetra opinberra aðila og smáforrita þeirra fyrir fartæki.

Afgreiðsla: Frumvarpið var ekki afgreitt úr nefnd.

Efnisflokkar: Hagstjórn: Fjárreiður ríkisins | Lög og réttur: Persónuleg réttindi | Atvinnuvegir: Tölvu- og upplýsingamál

Þingskjöl

Umsagnir